*ഇറാനിൽ ഭരണകൂടവിരുദ്ധ വികാരം ശക്തമാകുന്നു; വിദേശ രാജ്യങ്ങളിൽ പ്രതിപക്ഷ ഗ്രൂപ്പുകളുടെ ശക്തിപ്രകടനം!*

ലണ്ടൻ/ഡാളസ്: ഇറാന്റെ ഭരണകൂടത്തോടുള്ള എതിർപ്പ് പരസ്യമായി പ്രകടിപ്പിച്ചുകൊണ്ട് കഴിഞ്ഞ വാരാന്ത്യത്തിൽ ലോകത്തിന്റെ വിവിധ ഭാഗങ്ങളിൽ ഇറാനിയൻ പ്രതിപക്ഷ ഗ്രൂപ്പുകൾ ഒത്തുകൂടി. ലണ്ടൻ കേന്ദ്രമായി പ്രവർത്തിക്കുന്ന റിപ്പബ്ലിക്കൻ ഗ്രൂപ്പുകൾ ‘ഇറാൻ ഫ്രീഡം കോൺഗ്രസ്’ എന്ന പേരിൽ വലിയ സമ്മേളനം സംഘടിപ്പിച്ചു. അതേസമയം, രാജഭരണത്തെ അനുകൂലിക്കുന്നവർ ഡാളസിലെ സി.പി.എ.സിസമ്മേളനത്തിലും വൈറ്റ് ഹൗസിന് മുന്നിലും പ്രതിഷേധ പ്രകടനങ്ങൾ നടത്തി.

വിദേശ രാജ്യങ്ങളിൽ നടക്കുന്ന ഈ നീക്കങ്ങൾക്കിടയിലും പ്രതിപക്ഷ ഗ്രൂപ്പുകൾക്കിടയിലെ ഭിന്നതയും ചർച്ചയാകുന്നുണ്ട്. ചില ഗ്രൂപ്പുകൾക്ക് ഇസ്രായേൽ അനുകൂല ലോബികളുടെയും ഐപാക് പോലുള്ള സംഘടനകളുടെയും പിന്തുണയുണ്ടെന്ന ആരോപണമാണ് ഈ ഭിന്നതയ്ക്ക് കാരണം. രാജഭരണത്തെ അനുകൂലിക്കുന്നവർക്ക് ഇസ്രായേലുമായി അടുത്ത ബന്ധമുണ്ടെന്ന് മറ്റ് പ്രതിപക്ഷ വിഭാഗങ്ങൾ ആരോപിക്കുന്നു. ലണ്ടനിൽ വിവിധ പ്രതിപക്ഷ ഗ്രൂപ്പുകൾ തമ്മിൽ ഏറ്റുമുട്ടലുകൾ നടന്നതായും റിപ്പോർട്ടുകളുണ്ട്.