*സ്പെയിനിൽ മെട്രോ ട്രെയിനുകളിലെ സുവിശേഷ പ്രസംഗം നിരോധിക്കണമെന്ന് ആവശ്യം; വിവാദം കത്തുന്നു*

മാഡ്രിഡ്: സ്‌പെയിനിലെ മാഡ്രിഡ് പ്രാദേശിക നിയമസഭയിൽ നടന്ന വിവാദപരമായ ഒരു സമ്മേളനത്തെത്തുടർന്ന് യൂറോപ്പിൽ മതസ്വാതന്ത്ര്യം വീണ്ടും ചർച്ചയാകുന്നു. സബ്‌വേ ട്രെയിനുകൾക്കുള്ളിൽ വിശ്വാസം പങ്കുവെക്കുന്ന ഇവാഞ്ചലിക്കൽ ക്രിസ്ത്യൻ ഗ്രൂപ്പുകളെ തടയാൻ കർശന നടപടികൾ സ്വീകരിക്കണമെന്ന് ഇടതുപക്ഷ പാർട്ടിയായ ‘മാസ് മാഡ്രിഡ്’ പ്രതിനിധി ഔദ്യോഗികമായി ആവശ്യപ്പെട്ടു.

പാർലമെന്റ് അംഗമായ എമിലിയോ ഡെൽഗാഡോയാണ് ഈ നിർദ്ദേശം മുന്നോട്ടുവെച്ചത്. എന്നാൽ സബ്‌വേകളിൽ പ്രസംഗിക്കുന്ന ക്രിസ്ത്യൻ പ്രബോധകർക്കെതിരെ അദ്ദേഹം തികച്ചും അപകീർത്തികരമായ ഭാഷ ഉപയോഗിച്ചതാണ് ഇപ്പോൾ വലിയ വിവാദത്തിന് കാരണമായിരിക്കുന്നത്. ഇത് സ്പെയിനിലെ ക്രൈസ്തവ സമൂഹത്തിനിടയിൽ വലിയ രീതിയിലുള്ള പ്രതിഷേധത്തിന് വഴിവെച്ചിട്ടുണ്ട്.

പൊതുഗതാഗത സംവിധാനങ്ങൾ ഉപയോഗിക്കുന്ന യാത്രക്കാരുടെ സ്വകാര്യതയും സ്വാതന്ത്ര്യവും സംരക്ഷിക്കാനാണ് ഈ ആവശ്യമെന്നാണ് അനുകൂലിക്കുന്നവർ പറയുന്നത്. എന്നാൽ, ജനാധിപത്യ രാജ്യങ്ങളിൽ നിലനിൽക്കുന്ന മൗലിക അവകാശമായ മതസ്വാതന്ത്ര്യത്തിന്മേലുള്ള കടന്നുകയറ്റമാണ് ഇതെന്നാണ് വിശ്വാസികളും വിവിധ മനുഷ്യാവകാശ സംഘടനകളും ശക്തമായി വാദിക്കുന്നത്.