ഡെല്റ്റ വകഭേദത്തെ അപേക്ഷിച്ച് ഒമിക്രോണിന് രോഗതീവ്രത കുറവ്
വാഷിങ്ടണ്: ഡെല്റ്റ വകഭേദത്തെ അപേക്ഷിച്ച് ഒമിക്രോണിന്റെ രോഗതീവ്രത കുറവാണെന്ന് അമേരിക്കന് പകര്ച്ചവ്യാധി വിദഗ്ധന് ആന്തണി ഫൗസി. എന്നാല്, ഒമിക്രോണിനെക്കുറിച്ച് ആദ്യഘട്ടത്തില് ലഭ്യമായ വിവരത്തിന്റെ അടിസ്ഥാനത്തില് ഒരു നിഗമനങ്ങളില് എത്തിച്ചേരുന്നതിനെതിരേ അദ്ദേഹം മുന്നറിയിപ്പ് നല്കുകയും ചെയ്തു. ഒമിക്രോണ് വകഭേദം ദക്ഷിണാഫ്രിക്കയില് വ്യാപിക്കുകയാണ്. എന്നാല് ഇവിടങ്ങളില് ആശുപത്രിയില് പ്രവേശിപ്പിക്കപ്പെടുന്നവരുടെ എണ്ണം ആശങ്കയുണര്ത്തുന്ന വിധം വര്ധിച്ചിട്ടില്ല. ഇതുവരെയുള്ള അറിവുവെച്ച് ഒമിക്രോണ് വളരെ രോഗതീവ്രതയുണ്ടാക്കുന്ന വൈറസ് വകഭേദമാണെന്ന് തോന്നുന്നില്ലെന്നും ഫൗസി പറഞ്ഞു.