*അർമേനിയൻ സഭയിലെ സർക്കാർ ഇടപെടലിൽ ആശങ്ക അറിയിച്ച് നോർവീജിയൻ മനുഷ്യാവകാശ സംഘടനയായ ‘ഫോറം 18’*

അർമേനിയ : അർമേനിയൻ അപ്പോസ്തോലിക് സഭാ തലവനെ മാറ്റാനുള്ള അർമേനിയൻ സർക്കാരിന്റെ നീക്കങ്ങളിൽ നോർവീജിയൻ ആത്മീയ സ്വാതന്ത്ര്യ നിരീക്ഷണ സംഘടനയായ ‘ഫോറം 18’ കടുത്ത ആശങ്ക രേഖപ്പെടുത്തി. സഭാ കാര്യങ്ങളിലെ സർക്കാരിന്റെ ഇത്തരം ഇടപെടലുകൾ നിയമപരമായ അതിരുകൾ ലംഘിക്കുന്നതാണോ എന്ന് സെപ്റ്റംബർ 9-ന് പുറത്തുവിട്ട റിപ്പോർട്ടിൽ സംഘടന ചോദ്യം ചെയ്യുന്നു.

അർമേനിയൻ പ്രധാനമന്ത്രി നിക്കോൾ പാഷിനിയാന്റെ ഭരണകൂടവും സഭാ നേതൃത്വവും തമ്മിലുള്ള ഭിന്നത രൂക്ഷമായി തുടരുന്ന സാഹചര്യത്തിലാണ് സംഘടനയുടെ ഈ വിലയിരുത്തൽ. സഭയുടെ പരമാധ്യക്ഷനായ കാരെക്കിൻ രണ്ടാമൻ കാതോലിക്കോസിനെ പദവിയിൽ നിന്ന് മാറ്റണമെന്ന ലക്ഷ്യത്തോടെയാണ് സർക്കാരിന്റെ നീക്കങ്ങളെന്ന് റിപ്പോർട്ട് ചൂണ്ടിക്കാണിക്കുന്നു.

കഴിഞ്ഞ ജൂണിൽ നടന്ന പാർലമെന്റ് തിരഞ്ഞെടുപ്പിൽ പ്രധാനമന്ത്രി പാഷിനിയാന്റെ സിവിൽ കോൺട്രാക്ട് പാർട്ടി കാതോലിക്കോസ് കാരെക്കിൻ രണ്ടാമനെ മാറ്റണമെന്നും പുതിയ സഭാ തലവനെ തിരഞ്ഞെടുക്കണമെന്നും ആവശ്യപ്പെടുന്ന വാഗ്ദാനങ്ങൾ മുന്നോട്ടുവെച്ചിരുന്നതായി ഫോറം 18 തങ്ങളുടെ റിപ്പോർട്ടിൽ വ്യക്തമായി എടുത്തുപറഞ്ഞിട്ടുണ്ട്.