‘ഞാൻ ഇല്ലായിരുന്നെ നിന്റെ കാര്യം പോക്കാരുന്നു’; നെതന്യാഹുവിനെ കടുത്ത ഭാഷയിൽ ശാസിച്ച് ട്രംപ്!

ഡൽഹി : പശ്ചിമേഷ്യൻ സുരക്ഷാ ചർച്ചകൾക്കിടയിൽ ഇസ്രായേൽ പ്രധാനമന്ത്രി ബെന്യാമിൻ നെതന്യാഹുവിനെ കടുത്ത ഭാഷയിൽ ശാസിച്ച് അമേരിക്കൻ പ്രസിഡന്റ് ഡൊണാൾഡ് ട്രംപ് രംഗത്തെത്തി. താൻ നൽകിയ വലിയ രാഷ്ട്രീയ പിന്തുണ ഇല്ലായിരുന്നെങ്കിൽ നെതന്യാഹു ഇപ്പോൾ ജയിലിൽ കഴിയേണ്ടി വരുമായിരുന്നു എന്ന് വൈറ്റ് ഹൗസിൽ നടന്ന അടച്ചിട്ട മുറിയിലെ ചർച്ചയിൽ ട്രംപ് ഓർമ്മിപ്പിച്ചു.

ലെബനനിലെ സൈനിക നീക്കങ്ങൾ അടിയന്തരമായി നിർത്തിവെക്കാൻ ഇസ്രായേലിന് മേൽ സമ്മർദ്ദം ചെലുത്തുന്നതിനിടയിലാണ് അന്താരാഷ്ട്ര നയതന്ത്ര മേഖലയിൽ വലിയ ചർച്ചകൾക്ക് വഴിതുറന്ന ഈ നാടകീയ സംഭവങ്ങൾ ഉണ്ടായത്. ലെബനനിലെ സംഘർഷങ്ങൾ ഉടൻ അവസാനിപ്പിച്ചില്ലെങ്കിൽ വലിയ പ്രത്യാഘാതങ്ങൾ നേരിടേണ്ടി വരുമെന്നും ട്രംപ് മുന്നറിയിപ്പ് നൽകി.

മേഖലയിൽ പൂർണ്ണമായ സമാധാനം കൊണ്ടുവരാനുള്ള അമേരിക്കയുടെ ശ്രമങ്ങൾക്ക് ഇസ്രായേലിന്റെ ഏകപക്ഷീയമായ സൈനിക നീക്കങ്ങൾ തടസ്സമാകുന്നു എന്നാണ് വൈറ്റ് ഹൗസിന്റെ വിലയിരുത്തൽ. കഴിഞ്ഞ മാസങ്ങളിൽ അമേരിക്ക നൽകിയ അത്യാധുനിക ആയുധങ്ങളും കോടിക്കണക്കിന് ഡോളറിന്റെ സാമ്പത്തിക സഹായവും ചൂണ്ടിക്കാണിച്ചായിരുന്നു ട്രംപിന്റെ വിമർശനം. എല്ലാ സഹായങ്ങളും സ്വീകരിച്ച ശേഷം സമാധാന ചർച്ചകളിൽ നിന്ന് പിന്തിരിയുന്ന നിലപാട് അനുവദിക്കില്ലെന്ന് ട്രംപ് വ്യക്തമാക്കി.