നേപ്പാളിൽ വർഗ്ഗീയ സംഘർഷം: സമാധാന പ്രാർത്ഥനകളുമായി ക്രൈസ്തവ സമൂഹം

നേപ്പാൾ : നേപ്പാളിലെ വിവിധ ജില്ലകളിൽ ഹിന്ദു-മുസ്ലിം വിഭാഗങ്ങൾ തമ്മിലുണ്ടായ കടുപ്പമേറിയ വർഗ്ഗീയ സംഘർഷങ്ങളെ തുടർന്ന്, രാജ്യത്ത് സമാധാനവും സൗഹാർദ്ദവും തിരിച്ചുകൊണ്ടുവരാനായി ക്രൈസ്തവർ അന്തർമത പ്രാർത്ഥനകളും സമാധാന സംരംഭങ്ങളും സംഘടിപ്പിച്ചു. കാഠ്മണ്ഡു, ലുംബിനി തുടങ്ങിയ സ്ഥലങ്ങളിൽ നടന്ന പ്രാർത്ഥനാ യോഗങ്ങളിൽ വിവിധ മതനേതാക്കളും പങ്കെടുത്തു.

ഹിന്ദു ഭക്തരുടെ ‘ബോൽബം’ തീർത്ഥാടനത്തിനിടെയുണ്ടായ തർക്കത്തെ തുടർന്നാണ് സുൻസരി ജില്ലയിൽ അതിക്രമങ്ങൾ ആരംഭിച്ചതും തുടർന്ന് ഇന്ത്യയുമായി അതിർത്തി പങ്കിടുന്ന മറ്റ് നാല് ജില്ലകളിലേക്ക് പടർന്നതും. സംഘർഷത്തിൽ മൂന്ന് പേർ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്തു.

ക്രൈസ്തവ സഭകളും ബുദ്ധമത സന്യാസിമാരും പ്രശ്നപരിഹാരത്തിനായി രംഗത്തെത്തുകയും പരസ്പര സൗഹാർദ്ദത്തിനായി പ്രാർത്ഥിക്കുകയും ചെയ്തു. മതം സമാധാനത്തിനുള്ള മാർഗ്ഗമാകണമെന്നും, വിശപ്പിനും ദാരിദ്ര്യത്തിനുമെതിരെയാണ് പോരാടേണ്ടതെന്നും ക്രൈസ്തവ നേതാക്കൾ വ്യക്തമാക്കി. കേസിൽ നിഷ്പക്ഷമായ അന്വേഷണം നടത്തുമെന്നും കുറ്റക്കാർക്കെതിരെ നടപടിയെടുക്കുമെന്നും പ്രധാനമന്ത്രി ബാലേന്ദ്ര ഷാ ഉറപ്പുനൽകി.