*ഐപിസി മുഗപ്പെയർ സഭയുടെ കൺവെൻഷൻ ഓഗ.14 മുതൽ*

ചെന്നൈ: ഇന്ത്യാ പെന്തെക്കോസ്ത് ദൈവസഭ (ഐ.പി.സി) മുഗപ്പെയർ സഭയുടെ ആഭിമുഖ്യത്തിൽ ഓഗസ്റ്റ് 14 മുതൽ 16 വരെ സുവിശേഷയോഗവും സംഗീതവിരുന്നും നടക്കും. മുഗപ്പെയർ വെസ്റ്റിലെ സെന്റ് ആന്റണീസ് ഓഡിറ്റോറിയത്തിൽ നടക്കുന്ന യോഗങ്ങളിൽ പാസ്റ്റർ അജി ആന്റണി (തിരുവല്ല) മുഖ്യപ്രഭാഷകനായിരിക്കും. ബ്രദർ പോൾസൺ, ബ്രദർ സണ്ണി നിലമ്പൂർ എന്നിവർ ഗാനശുശ്രൂഷകൾക്ക് നേതൃത്വം നൽകും.

ഓഗസ്റ്റ് 14 (വെള്ളി) രാവിലെ 10.00 മണിക്ക് സംയുക്ത ഉപവാസ പ്രാർത്ഥനയും വൈകിട്ട് 5.30-ന് പൊതുയോഗവും നടക്കും.

ഓഗസ്റ്റ് 15 (ശനി) രാവിലെ 9.30-ന് ഐ.പി.സി ചെന്നൈ സെൻട്രൽ ഡിസ്ട്രിക് സഭകളുടെ സംയുക്ത ആരാധനയും വൈകിട്ട് പൊതുയോഗവും നടക്കും.

ഓഗസ്റ്റ് 16 (ഞായർ) രാവിലെ ആരാധനയോടെ കൺവെൻഷൻ സമാപിക്കും. വിവരങ്ങൾക്ക്: പാസ്റ്റർ എബി തോമസ് – 98841 91994.