സെൻസസ് സെപ്റ്റംബറിൽ
ഡൽഹി: രാജ്യത്ത് ജനസംഖ്യാ സെൻസസ് സെപ്റ്റംബറിൽ ആരംഭിച്ചേക്കും. 2021-ൽ ഷെഡ്യൂൾ ചെയ്തിരുന്ന സർവേ, കൊവിഡ്-19 പാൻഡെമിക് കാരണം വൈകിയിരുന്നു. കണക്കെടുപ്പ് വൈകുന്നത് സാമ്പത്തിക വിദഗ്ധരിൽ നിന്നും നയരൂപീകരണ വിദഗ്ധരിൽ നിന്നും കാര്യമായ വിമർശനം ഉയരാൻ കാരണമായി.
2021 ലെ കണക്ക് ഇല്ലാത്തത് കൊണ്ട് ഇപ്പോൾ കണക്കാക്കുന്നത് 2011 ലെ ഡാറ്റയാണ്. സെൻസസിനായി 8,754.23 കോടി രൂപയും ദേശീയ ജനസംഖ്യാ രജിസ്റ്റർ (എൻ പി ആർ) പുതുക്കുന്നതിന് 3,941.35 കോടി രൂപയും കേന്ദ്രമന്ത്രിസഭ ആദ്യം അംഗീകരിച്ചിരുന്നു. എന്നിരുന്നാലും, 2024 – 25 ലെ കേന്ദ്ര ബജറ്റിൽ, ഈ വിഹിതം 2021 – 22 ൽ നീക്കിവച്ച 3,768 കോടി രൂപയിൽ നിന്ന് 1,309 കോടി രൂപയായി വെട്ടിക്കുറച്ചു.
