അഗ്രി ഫെസ്റ്റ് 2021 കാർഷിക മേള

തൃശുർ അഗ്രി ഫെസ്റ്റ് 2021
കാർഷിക മേള

പ്രകൃതി സംരക്ഷണ സംഘത്തിന്റെ ആഭിമുഖ്യത്തിൽ 2021 ജനുവരി 7 മുതൽ 11 വരെ തൃശുർ ജില്ലയിലെ കേച്ചേരിയിൽ വെച്ച് കാർഷിക മേള സംഘടിപ്പിക്കുന്നു.

പ്രകൃതി സംരക്ഷണ സംഘത്തിന്റെ ആഭിമുഖ്യത്തിൽ സംഘടിപ്പിക്കുന്ന കാർഷികമേളയുടെ പോസ്റ്റർ പ്രകാശനം മുൻ കുന്നംകുളം എം.എൽ.എ ശ്രീ ബാബു എം പാലിശ്ശേരി നിർവഹിച്ചു. 2021 ജനുവരി 7 മുതൽ 11 വരെ കേച്ചേരിസിറ്റി പാലസ് കൺവെൻഷൻ സെന്ററിലാണ് കാർഷികമേള നടക്കുന്നത്.

പെരുമ്പിലാവിൽ നടന്ന ചടങ്ങിൽ പ്രകൃതിസംരക്ഷണ സംഘം തൃശൂർ ജില്ലാ സെക്രട്ടറി ഷാജി തോമസ് എൻ ,
ജില്ലാ കോഡിനേറ്റർ ജയപ്രകാശ് കേച്ചേരി, മീഡിയ കോഡിനേറ്റർ റഫീഖ് കടവല്ലൂർ എന്നിവർ പങ്കെടുത്തു.
കാർഷികമേളയുടെ ഭാഗമായ് കാർഷിക പ്രദർശനം, കാർഷിക വിപണനമേള, കാർഷിക സെമിനാറുകൾ, കർഷക ശാസ്ത്രജ്ഞ മുഖാമുഖം,കർഷക സംഗമം, തുടങ്ങി ഒട്ടനവധി പ്രോഗ്രാമും സംഘടിപ്പിക്കും.

*കാർഷിക മേഖല വിജയം കൈവരിച്ച കർഷകർ സ്വന്തം കൃഷി രീതികളും അനുഭവങ്ങളും മറ്റും കർഷകരുമായ് പങ്കുവെക്കുന്ന കർഷക സംഗമം.

* പാൽ, മുട്ട, ഇറച്ചി, ഉൽപ്പാദനം മൂല്യ വർദ്ധന എന്നിവയെ കുറിച്ചുള്ള സെമിനാർ,

* കാർഷിക സർവ്വകലാശാലകൾ, കൃഷി വികസന, ഫിഷറീസ്, കർഷക സംരംഭ കൂട്ടായ്മ പ്രതിനിധികൾ എന്നിവരുമായ് ചർച്ചകൾ.

* ജൈവ -കാർഷിക പരിശീലനം ചർച്ച ക്ലാസുകൾ
കാർഷികോപകരണങ്ങൾ, ജൈവ കാർഷിക ഉൽപ്പന്നങ്ങൾ, വിത്തിനങ്ങൾ, കിഴങ്ങിനങ്ങൾ, സുഗന്ധവ്യഞ്ജനങ്ങൾ, പഴവർഗങ്ങൾ, കുടുംബ കൃഷി ഉൽപ്പന്നങ്ങൾ, പരിസ്ഥിതി ശാഖ വിജ്ഞാന ഗ്രന്ഥങ്ങൾ തുടങ്ങിയവയുടെ പ്രദർശനവും വിൽപ്പനയും മേളയുടെ ഭാഗമായി പ്രദർശന നഗരിയിൽ നടക്കും.

അനീഷ്‌ ഉലഹന്നാൻ
തൃശ്ശൂർ