*വിക്ടറി ബിയോണ്ട് ദ കപ്പ്: വേൾഡ് കപ്പ് ആവേശത്തിൽ ക്രൂവിന്റെ പുതിയ മുന്നേറ്റം*

യുഎസ് : 2026-ലെ ഫിഫ വേൾഡ് കപ്പിനോടനുബന്ധിച്ച് അമേരിക്കയിലുടനീളം ഒരു വൻകിട പദ്ധതിയുമായി ആത്മീയ സംഘടനയായ ക്രൂ (Cru) രംഗത്തെത്തി. ‘വിക്ടറി ബിയോണ്ട് ദ കപ്പ്’ എന്ന് പേരിട്ടിരിക്കുന്ന ഈ ക്യാമ്പയിനിലൂടെ ഒരു ലക്ഷം ക്രിസ്ത്യാനികളെയും പതിനായിരം ചർച്ചുകളെയും സജ്ജമാക്കാനാണ് ലക്ഷ്യമിടുന്നത്. ഫുട്ബോൾ മത്സരങ്ങൾ ഒരുമിച്ചിരുന്ന് കാണുന്നതിനൊപ്പം വിശ്വാസപരമായ ചർച്ചകൾക്കും സൗഹൃദങ്ങൾക്കും വേദിയൊരുക്കുക എന്നതാണ് ഇതിന്റെ പ്രധാന ഉദ്ദേശ്യം.

ജൂൺ 11 മുതൽ ജൂലൈ 19 വരെ നീണ്ടുനിൽക്കുന്ന ടൂർണമെന്റ് കാലയളവിൽ അയൽക്കാരെയും സഹപ്രവർത്തകരെയും വീടുകളിലേക്കോ പള്ളികളിലേക്കോ ക്ഷണിച്ച് സൗഹൃദം പുതുക്കാൻ വിശ്വാസികളെ ഈ പദ്ധതി പ്രോത്സാഹിപ്പിക്കുന്നു. ഫെലോഷിപ്പ് ഓഫ് ക്രിസ്ത്യൻ അത്‌ലറ്റ്‌സ്, ആൽഫ യുഎസ്എ തുടങ്ങിയ പ്രമുഖ സംഘടനകളുമായി സഹകരിച്ചാണ് ഈ പ്രവർത്തനം. വിവിധ സംസ്‌കാരങ്ങളിൽപ്പെട്ട ആളുകളെ ഒരുമിപ്പിക്കാൻ ലോകകപ്പ് പോലുള്ള വലിയ കായിക മാമാങ്കങ്ങൾക്ക് കഴിയുമെന്ന് സംഘാടകർ വിശ്വസിക്കുന്നു.