*ദക്ഷിണ കൊറിയൻ മെഗാ ചർച്ചുകളിൽ നേതൃമാറ്റം*

ദക്ഷിണ കൊറിയ :ദക്ഷിണ കൊറിയയിലെ ഏറ്റവും വലിയ പ്രൊട്ടസ്റ്റന്റ് സഭകളിൽ വലിയ രീതിയിലുള്ള നേതൃമാറ്റങ്ങൾ നടന്നു കൊണ്ടിരിക്കുന്നു. കൊറിയൻ പ്രൊട്ടസ്റ്റന്റ് വിശ്വാസ ചരിത്രത്തിലെ നിർണ്ണായകമായ ഒരു തലമുറ മാറ്റമായാണ് നിരീക്ഷകർ ഇതിനെ വിലയിരുത്തുന്നത്. ദീർഘകാലം സഭകളെ നയിച്ചിരുന്ന പ്രമുഖ പാസ്റ്റർമാർ വിരമിക്കുന്ന സാഹചര്യത്തിലാണ് പുതിയ പിൻഗാമികളെ കണ്ടെത്താനുള്ള നടപടികൾ സഭകൾ ആരംഭിച്ചത്.

ക്രിസ്റ്റ്യൻ ഡെയ്‌ലി കൊറിയയുടെ റിപ്പോർട്ട് പ്രകാരം, സാരംഗ് കമ്മ്യൂണിറ്റി ചർച്ച്, ഗ്ലോബൽ മിഷൻ ചർച്ച്, ഓര്യുൻ ചർച്ച്, സമിൽ ചർച്ച്, സുയോങ്‌റോ ചർച്ച് തുടങ്ങിയ പ്രശസ്തമായ ഇവാഞ്ചലിക്കൽ സഭകളിലാണ് ഈ മാറ്റങ്ങൾ നടക്കുന്നത്. സാരംഗ് കമ്മ്യൂണിറ്റി ചർച്ചിന്റെ മൂന്നാമത്തെ സീനിയർ പാസ്റ്ററായി റെവറന്റ് യൂൻ ഡേ-ഹ്യൂക്കിനെ അടുത്തിടെ തിരഞ്ഞെടുത്തു. നിലവിൽ അമേരിക്കയിലെ ലൈറ്റ് ഓഫ് ലവ് മിഷൻ ചർച്ചിൽ സേവനമനുഷ്ഠിക്കുന്ന അദ്ദേഹം 2027 ജനുവരിയിൽ ചുമതലയേൽക്കുമെന്നാണ് കരുതപ്പെടുന്നത്.