ആംഗ്ലിക്കൻ, എപ്പിസ്കോപ്പൽ ചർച്ചിന്റെ സ്വത്ത് തർക്കത്തിൽ ഒത്തുതീർപ്പ്
അമേരിക്ക: ഏകദേശം ഒരു ദശാബ്ദത്തോളം നീണ്ട എപ്പിസ്കോപ്പൽ സഭയിൽ നിന്ന് വേർപിരിഞ്ഞ ആംഗ്ലിക്കൻ രൂപതയുമായുള്ള സ്വത്ത് തർക്കത്തിൽ അന്ത്യം കുറിച്ചു. സൗത്ത് കരോലിനയിലെ ആംഗ്ലിക്കൻ രൂപതയിലെയും സൗത്ത് കരോലിനയിലെ എപ്പിസ്കോപ്പൽ രൂപതയിലെയും ബിഷപ്പുമാർ ഇന്നലെ വൈകുന്നേരം സെറ്റിൽമെന്റ് പ്രഖ്യാപിച്ചു. 2012 നവംബറിൽആണ് സൗത്ത് കരോലിന രൂപത എപ്പിസ്കോപ്പൽ സഭയിൽ നിന്ന് പുറത്തു പോയത്. 500 മില്യൺ ഡോളറിന്റെ പള്ളി സ്വത്തുക്കളും രൂപതയുടെ വ്യാപാരമുദ്രകളുടെ മേലുള്ള അവകാശവാദങ്ങളും ആരുടേതാണ് എന്നതിനെക്കുറിച്ചുള്ള വ്യവഹാരം 2013 ജനുവരിയിൽ ആരംഭിച്ചിരുന്നു. 2017-ൽ, സൗത്ത് കരോലിന സുപ്രീം കോടതി 36 പള്ളി സ്വത്തുക്കളിൽ 29 എണ്ണം പിരിഞ്ഞ ആംഗ്ലിക്കൻ രൂപതയേക്കാൾ ദേശീയ വിഭാഗത്തിന്റേതാണെന്ന് വിധിച്ചു. ഏപ്രിലിൽ, സംസ്ഥാന സുപ്രീം കോടതി വിഷയം പുനഃപരിശോധിക്കുകയും 14 സ്വത്തുക്കൾ എപ്പിസ്കോപ്പൽ ചർച്ചിന് തിരികെ നൽകണമെന്നും 15 ഇടവകകൾക്ക് ആംഗ്ലിക്കൻ രൂപതയിൽ തുടരാമെന്നും വിധിച്ചു. ഓഗസ്റ്റിൽ, രൂപതയ്ക്ക് എപ്പിസ്കോപ്പൽ സഭയിലേക്ക് തിരികെ നൽകേണ്ട പള്ളി സ്വത്തുക്കളുടെ എണ്ണം 14 ൽ നിന്ന് എട്ടായി കോടതി കുറച്ചു, ആറ് ഇടവകകൾ അവരുടെ സ്വത്തുക്കൾ തുല്യമായി ഭാഗിക്കുകയും ചെയ്തു. സ്വത്തിന്റെ ഭാഗം സഭകൾക്ക് തുലയമായി നൽകാൻ തീരുമാനത്തിൽ എത്തി.കൂടുതൽ വിശദാംശങ്ങൾ ഈ ആഴ്ച അവസാനത്തോടെ അറിയിക്കുമെന്ന് അധികൃതർ അറിയിച്ചു.