തടവിലാക്കപ്പെട്ട പാസ്റ്റർമാരെ മോചിപ്പിക്കണമെന്ന് ആവശ്യപ്പെട്ട് യു പി പാസ്റ്റേഴ്‌സ് അസോസിയേഷൻ ജനറൽ സെക്രട്ടറി
യുപി:ഉത്തർപ്രദേശിലെ ജയിലുകളിൽ 30 ഓളം പാസ്റ്റർമാരാണ് വ്യാജ മതപരിവർത്തനം ആരോപിച്ച് തടവിൽ കഴിയുന്നത്. ജയിലുകളിൽ കഴിയുന്ന പാസ്റ്റർമാരെ മോചിപ്പിക്കണമെന്ന് അഭ്യർത്ഥിച്ച്‌ ഉത്തർപ്രദേശിലെ പാസ്റ്റേഴ്‌സ് അസോസിയേഷൻ ജനറൽ സെക്രട്ടറി പാസ്റ്റർ ജിതേന്ദ്ര സിംഗ് . സംസ്ഥാനത്തെ ഹിന്ദു അനുകൂല ഭാരതീയ ജനതാ പാർട്ടി ഗവൺമെന്റ് മതപരിവർത്തനം ക്രിമിനൽ കുറ്റമാക്കിയതിന് ശേഷമാണ് മിക്ക അറസ്റ്റുകളും നടന്നത്.\”ഹിന്ദു ദേശീയവാദികളുടെ പീഡനത്തിന് ഇരയായ പാസ്റ്റർമാർക്ക് നീതി ലഭിക്കണമെന്ന്, ഇന്നലെ നവംബർ 7 ന് പാസ്റ്റർ സിംഗ് പോലീസ് കമ്മീഷണറോട് ആവശ്യപ്പെട്ടു
പാസ്റ്റർമാരെ പീഡനങ്ങളിൽ നിന്നും സംരക്ഷിക്കാൻ കാൺപൂർ നഗരത്തിലെ പോലീസ് കമ്മീഷണറുടെ ഇടപെടൽ സംഘം ആവശ്യപ്പെട്ടിട്ടുണ്ട്. ക്രിസ്ത്യൻ പ്രാർത്ഥനാ സമ്മേളനങ്ങൾ തടസ്സപ്പെടുത്തുകയും പള്ളികളും പ്രാർത്ഥനാ ഹാളുകളും കൊള്ളയടിക്കുകയും വിശുദ്ധ ബൈബിളിന്റെ പകർപ്പുകൾ നശിപ്പിക്കുകയും പാസ്റ്റർമാരെയും പുരോഹിതന്മാരെയും കന്യാസ്ത്രീകളെയും കൈയേറ്റം ചെയ്യുകയും ചെയ്യുന്നത് എങ്ങനെയാണ് സംസ്ഥാനത്തിന്റെ മതപരിവർത്തന വിരുദ്ധ നിയമത്തിന്റെ ലംഘനമെന്ന് പാസ്റ്റർമാർ അവരുടെ മെമ്മോറാണ്ടത്തിൽ സൂചിപ്പിച്ചു. നിരവധി ക്രിസ്ത്യൻ നേതാക്കളെ ജയിലിലേക്ക് അയച്ചിട്ടുണ്ട്, എന്നാൽ കേസുകൾ കോടതിയിൽ നിയമപരമായ പരിശോധന നിലനിൽക്കാത്തതിനാൽ ഇതുവരെ ആരും ശിക്ഷിക്കപ്പെട്ടിട്ടില്ല. ഭരണഘടനാ സംരക്ഷണത്തിന്റെയും സംസ്ഥാന നിയമങ്ങളുടെയും പരിധിയിൽ നിന്ന് ഞങ്ങൾ ദൈവവചനം പ്രസംഗിക്കുന്നു. എന്നാൽ ഞങ്ങളെ ആക്രമിക്കുന്നവർ നിയമപരവും ഭരണഘടനാപരവുമായ ഉത്തരവുകൾ ലംഘിക്കുകയാണ്. അവർ ശിക്ഷിക്കപ്പെടണം, ”അദ്ദേഹം കൂട്ടിച്ചേർത്തു. 200 ദശലക്ഷം ജനങ്ങളുള്ള ഇന്ത്യയിലെ ഏറ്റവും ജനസംഖ്യയുള്ള സംസ്ഥാനമാണ് ഉത്തർപ്രദേശ്.