Official Website

കർദ്ദിനാൾ രഞ്ജിത്തിന്റെ സുരക്ഷയിൽ ആശങ്ക

0 296

കൊളംബോ : വീണ്ടും ഭീഷണിയുണ്ടെന്ന അവകാശവാദങ്ങൾക്കിടയിൽ ശ്രീലങ്കൻ കർദിനാൾ മാൽക്കം രഞ്ജിത്തിന് നൽകിയ സുരക്ഷയിൽ പാർലമെന്റ് അംഗം ആശങ്ക പ്രകടിപ്പിച്ചു. രാഷ്ട്രത്തിന്റെ ക്രൈസ്തവ സഭയുടെ തലവനെ ഭീഷണിപ്പെടുത്തുന്നതിനെക്കുറിച്ച് തനിക്ക് അറിയില്ലെന്നും എന്നാൽ ഒക്ടോബർ 3 ന് പാർലമെന്റിൽ പ്രതിപക്ഷം ഉന്നയിച്ച ചോദ്യത്തിന് മറുപടിയായി ഇക്കാര്യം പരിശോധിക്കുമെന്ന് ഉറപ്പുനൽകിയതായി പ്രതിരോധ സഹമന്ത്രി പ്രേമിത ബണ്ഡാര തെന്നക്കോൺ പറഞ്ഞു. കത്തോലിക്കാ പാർലമെന്റേറിയൻ കാവിന്ദ ജയവർധനയാണ് വിഷയം ഉന്നയിച്ചത്. കർദിനാൾ രഞ്ജിത്തിന്റെ സുരക്ഷ സർക്കാർ വെട്ടിക്കുറച്ചെന്നും സംഭവത്തിൽ അന്വേഷണം വേണമെന്നും അദ്ദേഹം ആവശ്യപ്പെട്ടു. 2019 ൽ ഈസ്റ്റർ ദിനത്തിൽ പള്ളികൾക്കും ഹോട്ടലുകൾക്കും നേരെയുണ്ടായ ആക്രമണം മുതൽ ഒരു കൂട്ടം കമാൻഡോകളും സൈനിക ഉദ്യോഗസ്ഥരും കർദിനാളിന് സുരക്ഷ നാകുന്നുണ്ടയിരുന്നു. ഈസ്റ്റർ ഞായറാഴ്ച നടന്ന ആക്രമണങ്ങളെക്കുറിച്ചുള്ള അന്വേഷണങ്ങളിലും ഇരകൾക്കുള്ള നീതിയിലും ശബ്ദമുയർത്തുന്ന കർദ്ദിനാൾ രഞ്ജിത്തിന്റെ ജീവന് വീണ്ടും ഭീഷണിയുണ്ടാകുമെന്ന് കൊളംബോ അതിരൂപതയിലെ മുതിർന്ന വൈദികൻ പറഞ്ഞു. തന്റെ സംരക്ഷണത്തിനായി ഒരു ക്യാപ്റ്റന്റെ കീഴിൽ സേനയുടെ ഒരു ഉപവിഭാഗത്തെയും പരിശീലനം ലഭിച്ച കമാൻഡോകളെയും വിന്യസിച്ചതായി പുരോഹിതൻ പറഞ്ഞു. “കമാൻഡോകളുടെ സുരക്ഷ നിലവിൽ ആർച്ച് ബിഷപ്പിന്റെ വീട്ടിൽ ലഭ്യമല്ലെന്ന് വിസ്വാസിക്കുന്നതായി രൂപത അറിയിച്ചു.

Comments
Loading...
%d bloggers like this: