ബ്രസീലിലെ ദേവാലയത്തിനു നേരെ ആക്രമണം
പരാന : തെക്കൻ ബ്രസീലിലെ പരാന സംസ്ഥാനത്ത് സ്ഥിതി ചെയ്യുന്ന സാവോ മാറ്റ്യൂസ് ഡോ സുൾ പട്ടണത്തിലെ സാവോ മാറ്റ്യൂസ് പള്ളിക്ക് നേരെയാണ് ഒക്‌ടോബർ 10 ന് ആക്രമണം നടന്നത്.
പള്ളിയിലേക്ക് അതിക്രമിച്ച് കയറിയ അജ്ഞാതരായ വ്യക്തികള്‍ ദേവാലയം അലംകോലപ്പെടുത്തുകയും ഇരുപത്തിയെട്ടോളം രൂപങ്ങള്‍ തകര്‍ക്കുകയുമായിരിന്നു. ദേവാലയത്തില്‍ നടന്ന അക്രമത്തെ അപലപിച്ചുകൊണ്ട് ഇവാഞ്ചലിക്കല്‍ സമൂഹാംഗങ്ങളും രംഗത്ത് വന്നിട്ടുണ്ട്. ഇതിന്റെ പിന്നില്‍ ആരാണെങ്കിലും അവര്‍ ഒരു വാതില്‍ ഒഴികെ മറ്റുള്ള വാതിലുകള്‍ അടച്ച ശേഷമാണ് ദേവാലയത്തില്‍ ഈ അതിക്രമം നടത്തിയതെന്നും അക്രമത്തിന് ശേഷം തുറന്നിട്ട വാതിലൂടെ രക്ഷപ്പെടുകയായിരുന്നെന്നും പറോക്കിയല്‍ വികാര്‍ ഫാ. ഡിയഗോ റൊണാള്‍ഡോ നാകാല്‍സ്കി വെളിപ്പെടുത്തി. അക്രമത്തിന് ശേഷം ദേവാലയത്തിന്റെ ഉള്‍ഭാഗം യുദ്ധക്കളം പോലെയായിരുന്നെന്നും അദ്ദേഹം കൂട്ടിച്ചേര്‍ത്തു.
എന്നാൽ പള്ളി ആക്രമിക്കപ്പെട്ടു എങ്കിലും തങ്ങളുടെ വിശ്വാസം ഉറച്ചതാണെന്ന് ഇടവക വികാരിയായ ഫാ. ജോസ് കാര്‍ലോസ് എമാനോയല്‍ ഡോസ് സാന്റോസ് വാര്‍ത്ത സമ്മേളനത്തില്‍ പറഞ്ഞു.
Related Posts
