ചർച്ച് ഓഫ് ഗോഡ് കുവൈറ്റ് റീജിയൻ വാർഷിക കൺവെൻഷൻ നവംബർ 11 മുതൽ

നാഷണൽ ഇവാഞ്ചലിക്കൽ ചർച്ച് കോമ്പൗണ്ടിൽ യോഗങ്ങൾ നടക്കും; പാസ്റ്റർ നോബിൾ ജേക്കബ് വചനശുശ്രൂഷ നിർവഹിക്കും

കുവൈറ്റ് സിറ്റി: ചർച്ച് ഓഫ് ഗോഡ് (ഫുൾ ഗോസ്പെൽ) ഇൻ ഇന്ത്യ കേരള സ്റ്റേറ്റ്, കുവൈറ്റ് റീജിയൻ വാർഷിക കൺവെൻഷൻ നവംബർ 11 ബുധനാഴ്ച മുതൽ 13 വെള്ളിയാഴ്ച വരെ സംഘടിപ്പിക്കുന്നു. കുവൈറ്റ് സിറ്റിയിലെ നാഷണൽ ഇവാഞ്ചലിക്കൽ ചർച്ച് കോമ്പൗണ്ടിലെ ചർച്ച് & പാരിഷ് ഹാളിൽ എല്ലാ ദിവസവും വൈകീട്ട് 7 മണി മുതൽ 9 മണി വരെയാണ് യോഗങ്ങൾ നടക്കുന്നത്.

നവംബർ 13 വെള്ളിയാഴ്ച രാവിലെ 6.30-ന് നാഷണൽ ഇവാഞ്ചലിക്കൽ ചർച്ച് കോമ്പൗണ്ടിൽ സംയുക്ത ആരാധനയും ഉണ്ടാകും. കൺവെൻഷൻ യോഗങ്ങളിൽ പ്രമുഖ ദൈവദാസൻ പാസ്റ്റർ നോബിൾ ജേക്കബ് ദൈവവചനം പ്രസംഗിക്കും.

ചർച്ച് ഓഫ് ഗോഡ് (ഫുൾ ഗോസ്പെൽ) ഇൻ ഇന്ത്യ കേരള സ്റ്റേറ്റ്, കുവൈറ്റ് റീജിയൻ സംയുക്ത കയർ ഈ ദിവസങ്ങളിലെ ഗാന ശുശ്രൂഷയ്ക്ക് നേതൃത്വം നൽകും. കുവൈറ്റിലെ പെന്തെക്കോസ്ത് വിശ്വാസികളുടെ ആത്മീയ ഐക്യത്തിനും ഉണർവിനുമായി ക്രമീകരിച്ചിരിക്കുന്ന ഈ വാർഷിക കൺവെൻഷന്റെ വിജയത്തിനായി ഭാരവാഹികൾ ക്രമീകരണങ്ങൾ പൂർത്തിയാക്കിവരുന്നു.