ഐ.പി.സി: കെ.പി. കുര്യന്റെ ക്രെഡൻഷ്യൽ റദ്ദാക്കി സഭയിൽ നിന്ന് പുറത്താക്കി

കുമ്പനാട്: ഐ.പി.സി ജനറൽ എക്സിക്യൂട്ടീവ് വൈസ് പ്രസിഡന്റായി ചുമതലയേറ്റ പാസ്റ്റർ കെ.പി. കുര്യന്റെ ക്രെഡൻഷ്യൽ റദ്ദാക്കിയതായി കേരള സ്റ്റേറ്റ് കമ്മിറ്റി. സഭാ അംഗത്വത്തിൽ നിന്നും പുറത്താക്കിയിട്ടുണ്ട്.സഭയിൽ തുടർച്ചയായി ഉണ്ടാകുന്ന പ്രതിസന്ധികൾക്ക് പിന്നാലെയാണ് പുതിയ ഉത്തരവ്.

​പാസ്റ്റർ കെ.പി. കുര്യൻ നടത്തിവന്ന സാമ്പത്തിക ക്രമക്കേടുകൾ, ക്രിമിനൽ സ്വഭാവത്തിലുള്ള പെരുമാറ്റങ്ങൾ, സഭാവിരുദ്ധ പ്രവർത്തനങ്ങൾ, സ്വഭാവദൂഷ്യങ്ങൾ എന്നിവയെക്കുറിച്ചുള്ള തെളിവുകളുടെ അടിസ്ഥാനത്തിലാണ് ഐ.പി.സി കേരള സ്റ്റേറ്റ് നേതൃത്വം ഇദ്ദേഹത്തിനെതിരെ ഈ കടുത്ത പുറത്താക്കൽ നടപടിയെടുത്തിരിക്കുന്നത്.

​നേരത്തെ പാസ്റ്റർ ഫിലിപ്പ് പി. തോമസിനെ സസ്പെൻഡ് ചെയ്തതിന് പിന്നാലെ വൈസ് പ്രസിഡന്റിന്റെ ചുമതല കെ.പി. കുര്യന് നൽകിയിരുന്നു. എന്നാൽ പുതിയ പുറത്താക്കൽ നടപടിയോടെ ഐ.പി.സിയിലെ വിഭാഗീയതയും തർക്കങ്ങളും അതീവ ഗുരുതരമായ തലത്തിലേക്ക് എത്തിയിരിക്കുകയാണ്