ടാൻസാനിയയിൽ ക്രൈസ്തവർക്ക് നേരെ ആക്രമണം കടുക്കുന്നു

ടാൻസാനിയ : ടാൻസാനിയയുടെ ഭാഗമായ സാൻസിബാർ ദ്വീപ് സമൂഹത്തിലെ ചെറുകിട ക്രിസ്ത്യൻ ദേവാലയങ്ങൾക്ക് നേരെ ആക്രമണം. പള്ളികളുടെ വാതിലുകൾ തകർക്കുകയും ബൈബിളുകൾ വലിച്ചെറിയുകയും ചെയ്ത സംഭവങ്ങൾ വിശ്വാസികളെ ഭീതിയിലാഴ്ത്തിയിരിക്കുകയാണ്. എങ്കിലും, ഇസ്ലാമിക ഭൂരിപക്ഷ പ്രദേശങ്ങളിലെ ഈ വെല്ലുവിളികൾക്കിടയിലും ഭയം കൂടാതെ വിശ്വാസികൾ പ്രാർത്ഥനയ്ക്കായി ഒത്തുകൂടുന്നത് തുടരുന്നു.

ഓഗസ്റ്റ് 6-ന് ‘ഇന്റർനാഷണൽ ക്രിസ്ത്യൻ കൺസേൺ’ പുറത്തുവിട്ട റിപ്പോർട്ട് പ്രകാരം, സാൻസിബാറിലെ തീരദേശ മേഖലകളിൽ താമസിക്കുന്ന ക്രൈസ്തവർ നിരന്തരമായ ഭീഷണികളും ഉപദ്രവങ്ങളും നേരിടുന്നുണ്ട്. ഭൗതികമായ ആക്രമണങ്ങൾക്ക് പുറമെ, തുറന്ന് വിശ്വാസം ആചരിക്കുന്നതിനെ തടസ്സപ്പെടുത്തുന്ന രീതിയിലുള്ള കടുത്ത സാമൂഹിക സമ്മർദ്ദവും ഇവർ നേരിടുന്നുണ്ടെന്ന് പ്രാദേശിക സഭാ നേതാക്കൾ വ്യക്തമാക്കുന്നു.