കർണാടക ബൈബിൾ കോളേജിൽ ഓൺലൈൻ NRC & PTC ക്ലാസുകളുടെ ഉദ്ഘാടനം

ബെംഗളൂരു: ഐപിസി കർണാടക സ്റ്റേറ്റിന്റെ ദൈവശാസ്ത്ര വിദ്യാഭ്യാസ സ്ഥാപനമായ കർണാടക ബൈബിൾ കോളേജ് (KBC) സംഘടിപ്പിക്കുന്ന 2026–2027 അധ്യയന വർഷത്തെ ഓൺലൈൻ NRC & PTC ക്ലാസുകളുടെ ഔദ്യോഗിക ഉദ്ഘാടനം ജൂലൈ 12 ഞായറാഴ്ച വൈകുന്നേരം 7 മണി മുതൽ 8.30 വരെ നടക്കും.

പരിപാടിയിൽ ഐപിസി കർണാടക സ്റ്റേറ്റ് പ്രസിഡന്റ് പാ. ഡോ. വർഗീസ് ഫിലിപ്പ് മുഖ്യാതിഥിയായി പങ്കെടുക്കും. കർണാടക ബൈബിൾ കോളേജ് പ്രിൻസിപ്പൽ പാ. സാമുവൽ ജോർജ് സന്നിഹിതനായിരിക്കും.

പരിപാടിയിൽ ശക്തമായ ആരാധന, ജീവിതത്തെ മാറ്റുന്ന ദൈവവചന സന്ദേശം, ദൈവത്തിന്റെ പുതിയ പ്രവർത്തനത്തിന്റെ പ്രത്യേക സമയം എന്നിവ ഉണ്ടായിരിക്കും. സംസ്ഥാനത്തിന്റെ വിവിധ ഭാഗങ്ങളിലുള്ള ശുശ്രൂഷകരും വിദ്യാർത്ഥികളും ഓൺലൈൻ വഴി പങ്കെടുക്കാൻ അവസരം ഒരുക്കിയിട്ടുണ്ട്.

സൂം വിവരങ്ങൾ:
Zoom ID: 82962784476
Password: kbc26

കൂടുതൽ വിവരങ്ങൾക്ക്: 9845378981
Email: kbcipcks@gmail.com

ദൈവവചന പഠനത്തിനും ശുശ്രൂഷാ പരിശീലനത്തിനും ആഗ്രഹിക്കുന്നവർക്ക് സഹായകരമാകുന്ന രീതിയിലാണ് കർണാടക ബൈബിൾ കോളേജ് ഈ ഓൺലൈൻ പരിശീലന പരിപാടി ഒരുക്കിയിരിക്കുന്നതെന്ന് സംഘാടകർ അറിയിച്ചു.

വാർത്ത:പാ.ഫ്രെഡി കൂർഗ്