*ലണ്ടൻ തെരുവുകളിൽ പ്രാർത്ഥനാ തരംഗം തീർത്ത് ‘ജീസസ് മാർച്ച്’ തിരിച്ചെത്തി*

ലണ്ടൻ : ലണ്ടൻ നഗരത്തിൽ ഏകദേശം നാല് പതിറ്റാണ്ടുകൾക്ക് മുൻപ് ആരംഭിച്ച ചരിത്രപ്രസിദ്ധമായ ‘ജീസസ് മാർച്ച്’ ബാങ്ക് ഹോളിഡേ വാരാന്ത്യത്തിൽ ആയിരക്കണക്കിന് ക്രൈസ്തവരുടെ പങ്കാളിത്തത്തോടെ ഗംഭീരമായി തിരിച്ചെത്തി. മാർബിൾ ആർച്ചിന് സമീപത്ത് നിന്ന് ആരംഭിച്ച് ട്രാഫൽഗർ സ്ക്വയറിലെ പ്രത്യേക പ്രാർത്ഥനയോടും ആരാധനയോടും കൂടിയാണ് മാർച്ച് സമാപിച്ചത്.

ലണ്ടൻ തെരുവുകളിൽ ആരാധനാ ഗീതങ്ങളും പ്രാർത്ഥനകളും സാക്ഷ്യപ്പെടുത്തലുകളും നിറഞ്ഞ അത്യന്തം സന്തോഷഭരിതമായ അന്തരീക്ഷമാണ് ഈ മാർച്ച് സമ്മാനിച്ചതെന്ന് സംഘാടകർ വ്യക്തമാക്കി. 1987-ൽ ലണ്ടനിൽ ആദ്യമായി ആരംഭിക്കുകയും പിന്നീട് യൂറോപ്പ്, ആഫ്രിക്ക, ഏഷ്യ, അമേരിക്ക തുടങ്ങിയ വൻകരകളിലെ വിവിധ നഗരങ്ങളിലേക്ക് പടർന്ന് പന്തലിച്ച് ആഗോള ചലനമായി മാറുകയും ചെയ്ത യഥാർത്ഥ ‘മാർച്ച് ഫോർ ജീസസ്’ പ്രസ്ഥാനത്തിന്റെ ശക്തമായ ഒരു പുനരുജ്ജീവനത്തിനാണ് ഈ വാരാന്ത്യം സാക്ഷ്യം വഹിച്ചത്. വരുംദിവസങ്ങളിൽ യുകെയുടെ ആത്മീയ സാമൂഹിക മണ്ഡലങ്ങളിൽ ഈ കൂട്ടായ്മ എ വലിയ സ്വാധീനവും ചർച്ചകളും സൃഷ്ടിക്കും.