*ദക്ഷിണ കൊറിയയിൽ വീണ്ടും ആത്മീയ ഉണർവ്വ്; വിൽ ഗ്രഹാം നയിച്ച സുവിശേഷ സമ്മേളനത്തിൽ ഇരുപതിനായിരത്തിലധികം ആളുകൾ പങ്കെടുത്തു*

ദക്ഷിണ കൊറിയ : ദക്ഷിണ കൊറിയയിൽ ഒരു പുതിയ ആത്മീയ ഉണർവ്വ് ലക്ഷ്യമിട്ടുകൊണ്ട് വിൽ ഗ്രഹാം (Will Graham) നയിച്ച വൻപിച്ച സുവിശേഷ സമ്മേളനത്തിൽ ഇരുപതിനായിരത്തിലധികം വിശ്വാസികൾ ഒത്തുകൂടി. സിയോളിന് വടക്കുള്ള ഉയിജിയോങ്ബു നഗരത്തിൽ കഴിഞ്ഞ വാരാന്ത്യത്തിൽ നടന്ന ഈ കൺവെൻഷനിൽ ആയിരക്കണക്കിന് ആളുകളാണ് തങ്ങളുടെ വിശ്വാസം പുതുക്കുകയും ക്രിസ്തുവിനെ സ്വീകരിക്കാൻ പ്രതിജ്ഞ ചെയ്യുകയും ചെയ്തതെന്ന് സംഘാടകർ അറിയിച്ചു.

മെയ് 17-ന് ഉയിജിയോങ്ബു സ്പോർട്സ് കോംപ്ലക്സിൽ വെച്ചാണ് ‘ഉയിജിയോങ്ബു ബില്ലി ഗ്രഹാം ക്രുസേഡ്’ സംഘടിപ്പിച്ചത്. ഉത്തരാധുനിക കൊറിയൻ സമൂഹത്തിൽ ആത്മീയ മൂല്യങ്ങൾ തിരികെ കൊണ്ടുവരിക എന്ന ലക്ഷ്യത്തോടെ നടത്തിയ ഈ കൂട്ടായ്മയിൽ, വടക്കൻ ജിയോങ്ഗി പ്രവിശ്യയിൽ നിന്നുള്ള പതിനായിരക്കണക്കിന് ആളുകൾ പങ്കെടുത്തു. വേനൽക്കാലത്തെ കടുത്ത ചൂടും 30 ഡിഗ്രി സെൽഷ്യസിലധികം ഉയർന്ന താപനിലയും അവഗണിച്ചാണ് വിശ്വാസികൾ മൈതാനത്തേക്ക് ഒഴുകിയെത്തിയത്.

പ്രശസ്ത സുവിശേഷകൻ ബില്ലി ഗ്രഹാമിന്റെ ചെറുമകനായ വിൽ ഗ്രഹാം നയിച്ച ഈ സമ്മേളനത്തിൽ വെച്ച് 695-ലധികം ആളുകൾ യേശുക്രിസ്തുവിനെ തങ്ങളുടെ രക്ഷകനായി സ്വീകരിക്കാൻ പരസ്യമായി മുന്നോട്ടുവന്നതായി ബില്ലി ഗ്രഹാം ഇവാഞ്ചലിസ്റ്റിക് അസോസിയേഷൻ റിപ്പോർട്ട് ചെയ്തു. കിഴക്കൻ ഏഷ്യൻ രാജ്യങ്ങളിൽ സഭകൾ നേരിടുന്ന വെല്ലുവിളികൾക്കിടയിൽ, കൊറിയൻ മണ്ണിൽ നടന്ന ഈ വലിയ ആത്മീയ സംഗമം അവിടുത്തെ വിശ്വാസ സമൂഹത്തിന് എ വലിയ ഉത്തേജനമാണ് നൽകിയിരിക്കുന്നത്.