*സതേൺ ബാപ്റ്റിസ്റ്റ് കൺവെൻഷൻ വാർഷിക യോഗം ഒർലാൻഡോയിൽ*

ഫ്ലോറിഡ : ഫ്ലോറിഡയിലെ ഒർലാൻഡോയിൽ അടുത്ത മാസം നടക്കുന്ന സതേൺ ബാപ്റ്റിസ്റ്റ് കൺവെൻഷന്റെ വാർഷിക യോഗത്തിൽ ഏകദേശം 20,000 പേർ പങ്കടുക്കുമെന്ന് സംഘാടകർ അറിയിച്ചു. വർഷങ്ങൾക്കിടയിലെ ഏറ്റവും വലിയ ഒത്തുചേരലുകളിൽ ഒന്നായിരിക്കും ഇത്. ജൂൺ 7 മുതൽ 10 വരെ ഓറഞ്ച് കൗണ്ടി കൺവെൻഷൻ സെന്ററിലാണ് വാർഷിക യോഗവും പാസ്റ്റർമാരുടെ കോൺഫറൻസും നടക്കുന്നത്.

സഭയുടെ ഭാവിയിലെ ശുഭപ്രതീക്ഷയാണ് വർദ്ധിച്ചുവരുന്ന ഈ പങ്കാളിത്തം സൂചിപ്പിക്കുന്നതെന്ന് ദി ക്രിസ്റ്റ്യൻ പോസ്റ്റ് എക്സിക്യൂട്ടീവ് എഡിറ്റർ ഡോ. റിച്ചാർഡ് ലാൻഡ് അഭിപ്രായപ്പെട്ടു. പ്രാദേശിക തലത്തിൽ സഭയിലെത്തുന്നവരുടെ എണ്ണത്തിലും മാമോദീസ സ്വീകരിക്കുന്നവരുടെ എണ്ണത്തിലും ഉണ്ടായ വർദ്ധനവ് ഇതിന് തെളിവാണ്.

കൂടാതെ, നോർത്ത് കരോലിനയിലെ സൗത്ത് ഈസ്റ്റേൺ സെമിനാരി, ലിഫ്‌വേ പബ്ലിഷിംഗ്, എത്തിക്സ് ആൻഡ് റിലീജിയസ് ലിബർട്ടി കമ്മീഷൻ എന്നിവിടങ്ങളിൽ പുതിയ ചീഫ് എക്സിക്യൂട്ടീവ് ഓഫീസർമാരെ തർക്കങ്ങളില്ലാതെ തിരഞ്ഞെടുത്തതും സഭയിലെ ഐക്യത്തെ കാണിക്കുന്നു. സഭയുടെ പ്രവർത്തനങ്ങളിൽ പുതിയൊരു ആവേശം ഇത് നൽകുന്നുണ്ടെന്ന് അദ്ദേഹം കൂട്ടിച്ചേർത്തു.