*കിം ജോങ് ഉന്നിന്റെ ‘മിസൈൽ ഷോ’ കണ്ട് കലിപ്പായി ബ്രിട്ടൻ; “ഇതൊക്കെ നിർത്താൻ സമയമായി!”*

യുകെ : കഴിഞ്ഞ വാരാന്ത്യത്തിൽ ഉത്തരകൊറിയ നടത്തിയ ബാലിസ്റ്റിക് മിസൈൽ പരീക്ഷണങ്ങളെ ബ്രിട്ടന്റെ വിദേശകാര്യ ഓഫീസ് ശക്തമായി അപലപിച്ചു. ഐക്യരാഷ്ട്രസഭയുടെ സുരക്ഷാ കൗൺസിൽ പ്രമേയങ്ങളുടെ ലംഘനമാണ് ഈ നടപടിയെന്നും, ഇത് പ്രാദേശിക സമാധാനത്തെയും സുരക്ഷയെയും അസ്ഥിരപ്പെടുത്തുമെന്നും ബ്രിട്ടീഷ് വിദേശകാര്യ ഓഫീസ് പ്രസ്താവനയിൽ വ്യക്തമാക്കി. അർത്ഥവത്തായ നയതന്ത്ര ചർച്ചകളിലേക്ക് മടങ്ങാൻ ഉത്തരകൊറിയയോട് ബ്രിട്ടൻ വീണ്ടും ആവശ്യപ്പെട്ടു.

ഏപ്രിൽ 19-ന് നടന്ന മിസൈൽ പരീക്ഷണത്തിന് ഉത്തരകൊറിയൻ നേതാവ് കിം ജോങ് ഉൻ നേരിട്ടാണ് നേതൃത്വം നൽകിയത്. ക്ലസ്റ്റർ ബോംബുകളും ഫ്രാഗ്മെന്റേഷൻ മൈനുകളും വഹിക്കാൻ ശേഷിയുള്ള പുതിയ വാർഹെഡുകളുടെ പ്രവർത്തനം വിലയിരുത്താനാണ് ഈ പരീക്ഷണങ്ങൾ നടത്തിയത്. ഈ മാസം നടക്കുന്ന നാലാമത്തെയും ഈ വർഷത്തെ ഏഴാമത്തെയും മിസൈൽ പരീക്ഷണമാണിത്. യുഎൻ സുരക്ഷാ കൗൺസിലിന്റെ കർശനമായ വിലക്കുകൾ അവഗണിച്ചുകൊണ്ട് ആണവ-മിസൈൽ ശേഷി വർദ്ധിപ്പിക്കാനുള്ള ഉത്തരകൊറിയയുടെ ശ്രമങ്ങളാണ് ഈ പരീക്ഷണങ്ങൾക്ക് പിന്നിലെന്ന് വ്യക്തമാണ്