സുരക്ഷാ ഭീഷണി: ജറുസലേമിലെ വിശുദ്ധ സ്ഥലങ്ങൾ അടച്ചിട്ടു

ജറുസലേം: ഇസ്രായേലും ഇറാനും തമ്മിലുള്ള സംഘർഷം രൂക്ഷമായതിനെത്തുടർന്ന് ജറുസലേമിലെ വിശുദ്ധ സ്ഥലങ്ങൾ ഇസ്രായേൽ ഭരണകൂടം അടച്ചിട്ടു. ഫെബ്രുവരി 28 മുതൽ തുടരുന്ന കർശന നിയന്ത്രണങ്ങളുടെ ഭാഗമായി ലോകപ്രശസ്തമായ ‘ചർച്ച് ഓഫ് ദി ഹോളി സെപ്പൽക്കർ’, വെസ്റ്റേൺ വാൾ, ടെമ്പിൾ മൗണ്ട് എന്നിവയുൾപ്പെടെയുള്ള ഇടങ്ങൾ സുരക്ഷാ കാരണങ്ങളാൽ അടച്ചിട്ടിരിക്കുകയാണ്.

മേഖലയിലെ സംഘർഷങ്ങളും മിസൈൽ ആക്രമണങ്ങളും കണക്കിലെടുത്ത് ആരാധകരുടെ സുരക്ഷ മുൻനിർത്തിയാണ് കടുത്ത നിയന്ത്രണങ്ങൾ ഏർപ്പെടുത്തിയതെന്ന് ഇസ്രായേൽ അധികൃതർ അറിയിച്ചു. പഴയ നഗരത്തിന് തൊട്ടടുത്ത് മിസൈൽ പതിച്ചതിനെത്തുടർന്ന് സ്ഥിതി അതീവ ഗുരുതരമാണ്.