*ഇന്ധനക്ഷാമം: ശ്രീലങ്കയിൽ ആഴ്ചയിൽ നാല് ദിവസം മാത്രം ജോലി*

ശ്രീലങ്ക : ഹോർമുസ് കടലിടുക്കിലെ സംഘർഷത്തെത്തുടർന്നുണ്ടായ ആഗോള ഊർജ്ജ പ്രതിസന്ധി കണക്കിലെടുത്ത് ശ്രീലങ്കയിൽ അടിയന്തര നിയന്ത്രണങ്ങൾ ഏർപ്പെടുത്തി. ഇന്ധനശേഖരം സംരക്ഷിക്കുന്നതിന്റെ ഭാഗമായി പൊതുമേഖലാ സ്ഥാപനങ്ങൾക്ക് ആഴ്ചയിൽ നാല് ദിവസം മാത്രമായി പ്രവൃത്തിദിനം ചുരുക്കി. മാർച്ച് 18 മുതൽ ബുധനാഴ്ചകൾ പൊതു അവധിയായിരിക്കുമെന്ന് സർക്കാർ പ്രഖ്യാപിച്ചു. ഗതാഗതത്തിനായുള്ള ഇന്ധന ഉപഭോഗം കുറയ്ക്കുകയാണ് ഈ നീക്കത്തിലൂടെ ലക്ഷ്യമിടുന്നത്.

ഏറ്റവും മോശമായ സാഹചര്യത്തെ നേരിടാൻ നാം തയ്യാറെടുക്കണമെന്ന് തിങ്കളാഴ്ച നടന്ന അടിയന്തര യോഗത്തിൽ പ്രസിഡന്റ് അനുര കുമാര ദിസനായകെ ഉദ്യോഗസ്ഥരോട് നിർദ്ദേശിച്ചു. ഊർജ്ജ പ്രതിസന്ധി രൂക്ഷമായതോടെ പല മേഖലകളിലും നിയന്ത്രണങ്ങൾ കർശനമാക്കിയിട്ടുണ്ട്. നിലവിലെ സാഹചര്യത്തിൽ ഇന്ധന ഇറക്കുമതി വെല്ലുവിളിയായതിനാലാണ് ഇത്തരമൊരു മുൻകരുതൽ നടപടി സ്വീകരിച്ചതെന്ന് ബിബിസി റിപ്പോർട്ട്