കൊറിയയിൽ വീണ്ടും ‘കിം യുഗം’; പ്യോങ്യാങ്ങിലെ സമ്മേളനത്തിൽ സംഭവിച്ചത് എന്ത്?

കെനിയ : ഉത്തര കൊറിയൻ ഭരണകക്ഷിയായ വർക്കേഴ്സ് പാർട്ടിയുടെ ജനറൽ സെക്രട്ടറി സ്ഥാനത്തേക്ക് കിം ജോങ് ഉന്നിനെ വീണ്ടും തിരഞ്ഞെടുത്തു. രാജ്യതലസ്ഥാനമായ പ്യോങ്യാങ്ങിൽ നടന്ന പാർട്ടി കോൺഗ്രസിലാണ് നിർണ്ണായകമായ ഈ തീരുമാനമുണ്ടായത്. പിതാവ് കിം ജോങ് ഇല്ലിന്റെ മരണശേഷം 2011 മുതൽ രാജ്യം ഭരിക്കുന്ന കിമ്മിന്റെ അധികാരം കൂടുതൽ അരക്കിട്ടുറപ്പിക്കുന്നതാണ് പുതിയ നടപടിയെന്ന് രാഷ്ട്രീയ നിരീക്ഷകർ വിലയിരുത്തുന്നു.

പാർട്ടിക്കുള്ളിൽ കിമ്മിനുള്ള പൂർണ്ണ പിന്തുണയാണ് ഏകകണ്ഠമായ ഈ തീരുമാനത്തിലൂടെ വ്യക്തമാകുന്നത്. രാജ്യത്തിന്റെ സൈനിക ശക്തി വർദ്ധിപ്പിക്കുന്നതിനും ആണവ പദ്ധതികൾ കൂടുതൽ ഊർജ്ജിതമായി തുടരുന്നതിനും പാർട്ടി സമ്മേളനം ഔദ്യോഗികമായി അംഗീകാരം നൽകി. ആഭ്യന്തര നയങ്ങളിലും വിദേശ കാര്യങ്ങളിലും സ്വതന്ത്രമായ തീരുമാനങ്ങൾ എടുക്കാൻ ഈ പുതിയ പദവി കിമ്മിനെ സഹായിക്കും.