വിശുദ്ധ നാട്ടിൽ പീഡനം: സഹായ അഭ്യർത്ഥനയുമായി ഫലസ്തീനിലെ ക്രൈസ്തവ സമൂഹം!

ജെറുസലേം : ചരിത്രത്തിലെ ഏറ്റവും കഠിനമായ പ്രതിസന്ധിയിലൂടെ കടന്നുപോകുന്ന വിശുദ്ധ നാട്ടിലെ ക്രിസ്തീയ സമൂഹം അന്താരാഷ്ട്ര സമൂഹത്തിൽ നിന്ന് തങ്ങൾ ഉപേക്ഷിക്കപ്പെട്ടതായി അനുഭവപ്പെടുന്നുവെന്നും തങ്ങളുടെ യഥാർത്ഥ അവസ്ഥ തിരിച്ചറിയണമെന്നും അഭ്യർത്ഥിച്ചു.

വ്യാപകമായ നാശനഷ്ടങ്ങളും നിർബന്ധിത കുടിയൊഴിപ്പിക്കലും കാരണം ഫലസ്തീനിലെ ക്രൈസ്തവ സാന്നിധ്യം ജനസംഖ്യയുടെ ഒരു ശതമാനത്തിലും താഴെയായി ചുരുങ്ങിയെന്നും സഭകളെ ശക്തിപ്പെടുത്താൻ അടിയന്തര നടപടി ആവശ്യമാണെന്നും അധികൃതർ ചൂണ്ടിക്കാട്ടി.

അതിക്രമങ്ങളും കൈയേറ്റങ്ങളും വർദ്ധിക്കുമ്പോഴും വേൾഡ് കൗൺസിൽ ഓഫ് ചർച്ചസിന്റെ കൂട്ടായ്മയിലൂടെ ക്രൈസ്തവ സാന്നിധ്യം നിലനിർത്താനും സമാധാനപരമായ സഹവർത്തിത്വത്തിനും നീതിക്കുമായി പ്രദേശവാസികൾ നിരന്തരം പരിശ്രമിച്ചുകൊണ്ടിരിക്കുകയാണെന്ന് പ്രതിനിധികൾ വ്യക്തമാക്കി.