തെറ്റായ ആശയങ്ങൾക്കെതിരെയുള്ള ആയുധമാണ് ഹാസ്യം: സേത്ത് ഡിലൺ

യുകെ :ലോകത്തിലെ ഏറ്റവും വലിയ ക്രൈസ്തവ ഹാസ്യ വെബ്സൈറ്റായ ‘ബാബിലോൺ ബീ’യുടെ സി.ഇ.ഒ സേത്ത് ഡിലൺ, തെറ്റായ ആശയങ്ങളെ ചെറുക്കാനുള്ള ഏറ്റവും ശക്തമായ ആയുധങ്ങളിലൊന്നാണ് ഹാസ്യമെന്ന് അഭിപ്രായപ്പെട്ടു. നാഷ്‌വില്ലിലെ ഗെയ്‌ലോർഡ് ഓപ്‌റിലാൻഡ് റിസോർട്ടിൽ നടന്ന ‘നാഷണൽ റിലീജിയസ് ബ്രോഡ്കാസ്റ്റേഴ്‌സ്’ (NRB 2026) അന്താരാഷ്ട്ര കൺവെൻഷനിൽ സംസാരിക്കുകയായിരുന്നു അദ്ദേഹം. പരിഹാസത്തിലൂടെ പണം സമ്പാദിക്കുക എന്ന ലക്ഷ്യത്തോടെയാണ് തുടങ്ങിയതെങ്കിലും, ഇന്ന് തങ്ങളുടെ ദൗത്യം ആവിഷ്കാര സ്വാതന്ത്ര്യത്തെ സംരക്ഷിക്കുന്നതിലേക്ക് മാറിയെന്ന് അദ്ദേഹം വെളിപ്പെടുത്തി.

മാധ്യമരംഗത്ത് പ്രശസ്തമായ ‘ദി ഒണിയനെ’ മറികടന്നുകൊണ്ട് ബാബിലോൺ ബീ കൈവരിച്ച നേട്ടങ്ങളെക്കുറിച്ച് ഡിലൺ വിശദീകരിച്ചു. വെറുമൊരു ഹാസ്യ സൈറ്റ് എന്നതിലുപരി, ആധുനിക കാലത്തെ സാംസ്കാരിക വെല്ലുവിളികളെ നേരിടുന്ന ഒരു പ്രധാന ശക്തിയായി ഇത് മാറിയിരിക്കുന്നു. ഇന്ന് സമൂഹം ഹാസ്യത്തെ ഭയപ്പെടുകയാണെന്നും, സത്യം വിളിച്ചുപറയാൻ പലപ്പോഴും തമാശകൾ ഉപയോഗിക്കേണ്ടി വരുന്നുവെന്നും അദ്ദേഹം പറഞ്ഞു. ഇലോൺ മസ്ക് ട്വിറ്റർ ഏറ്റെടുത്ത ശേഷം ബാബിലോൺ ബീയുടെ അക്കൗണ്ട് പുനഃസ്ഥാപിച്ചത് ഈ പോരാട്ടത്തിലെ വലിയ വിജയമാണെന്നും അദ്ദേഹം കൂട്ടിച്ചേർത്തു