ഗാസയുടെ ഭാവി നിശ്ചയിക്കാൻ ട്രംപിന്റെ ‘ബോർഡ് ഓഫ് പീസ്’ യോഗം വാഷിംഗ്ടണിൽ

യുഎസ് : ഗാസയുടെ പുനർനിർമ്മാണവും സുരക്ഷയും ലക്ഷ്യമിട്ട് പ്രസിഡന്റ് ഡൊണാൾഡ് ട്രംപ് രൂപീകരിച്ച ‘ബോർഡ് ഓഫ് പീസ്’ (Board of Peace) സമിതിയുടെ ആദ്യ ഔദ്യോഗിക യോഗം വാഷിംഗ്ടണിൽ ആരംഭിക്കുന്നു. രണ്ട് ഡസനിലധികം രാജ്യങ്ങളിൽ നിന്നുള്ള ഉന്നത നയതന്ത്രജ്ഞർ ഈ യോഗത്തിൽ പങ്കെടുക്കുന്നുണ്ട്. ഗാസയുടെ പുനർനിർമ്മാണത്തിനായി ഇതിനോടകം 5 ബില്യൺ ഡോളർ സമാഹരിച്ചതായി ട്രംപ് അവകാശപ്പെട്ടു. ഹമാസിന്റെ നിരായുധീകരണം, ഗാസയിലെ സൈനിക സാന്നിധ്യം ഒഴിവാക്കൽ, തകർന്നടിഞ്ഞ മേഖലയുടെ പുനർനിർമ്മാണം എന്നിവയാണ് യോഗത്തിന്റെ പ്രധാന അജണ്ടകൾ.

ഇസ്രായേൽ വിദേശകാര്യമന്ത്രി ഗിദിയോൺ സാർ ഉൾപ്പെടെയുള്ള പ്രമുഖർ യോഗത്തിൽ സംബന്ധിക്കുന്നുണ്ട്. ഈ ലക്ഷ്യങ്ങൾ കൈവരിക്കാനായാൽ ഗാസയിലും മിഡിൽ ഈസ്റ്റ് മേഖലയിലും സുരക്ഷയും അസ്ഥിരതയും ഉറപ്പാക്കുന്ന പുതിയൊരു യാഥാർത്ഥ്യത്തിലേക്ക് നീങ്ങാൻ സാധിക്കുമെന്ന് അദ്ദേഹം പ്രത്യാശ പ്രകടിപ്പിച്ചു. എന്നാൽ, മധ്യേഷ്യയിൽ യുദ്ധസമാനമായ സാഹചര്യങ്ങൾ നിലനിൽക്കുന്ന പശ്ചാത്തലത്തിലാണ് ഈ സമാധാന ചർച്ചകൾ നടക്കുന്നത് എന്നത് ഏറെ ശ്രദ്ധേയമാണ്.