തെലങ്കാനയിൽ സുവിശേഷ വിരോധികളുടെ അക്രമം; ആരാധനാലയത്തിലെ ഉപകരണങ്ങൾ നശിപ്പിച്ചു

ഈർലപള്ളി : തെലങ്കാനയിലെ വികാരാബാദ് ജില്ലയിലെ ദൗലതാബാദ് മണ്ഡലിലെ ഈർലപള്ളി ഗ്രാമത്തിലെ പാസ്റ്റർ ബാൽ ജോൺ സഭാ ശുശ്രൂഷകനായ അഗാപെ ചർച്ചിനെ ലക്ഷ്യമാക്കി സുവിശേഷ വിരോധികളുടെ ആക്രമണം.

ഡിസംബർ 14 ഞായറാഴ്‌ച രാവിലെ 10 മണിയോടെ ഒരു കൂട്ടം സുവിശേഷ വിരോധികൾ ആരാധനാലയത്തിന്റെ വളപ്പിൽ കയറി അരാജകത്വം സൃഷ്‌ടിക്കുകയും വിശുദ്ധ സഭാ ആരാധന നിർത്തിവെക്കണമെന്ന് അക്രമാസക്തമായി ആവശ്യപ്പെടുകയും ചെയ്‌തു. പോലീസ് ഇടപെട്ടതിനെ തുടർന്നാണ് അപ്പോൾ സംഘർഷം അവസാനിച്ചത്. അടുത്ത ദിവസം ഡിസംബർ 15 തിങ്കളാഴ്ച്ച ക്രിസ്ത്യൻ ഒരു കൂട്ടം സുവിശേഷ വിരോധികൾ ആരാധനാലയം ആക്രമിച്ച് അവിടെ ഉണ്ടായിരുന്ന ഉപകരണങ്ങൾ ബോധപൂർവം കത്തിക്കുകയും സാരമായ കേടുപാടുകൾ വരുത്തുകയും ചെയ്തു.