യു.പി.ഡബ്ല്യു.എഫ് വാർഷിക മീറ്റിങ്ങും സമ്മാനദാനവും

എടത്വാ: യുണൈറ്റഡ് പെന്തെക്കോസ്തൽ വുമൺസ് ഫെലോഷിപ്പിന്റെ വാർഷിക മീറ്റിങ്ങും ബൈബിൾ ക്വിസ് വിജയികൾക്കുള്ള സമ്മാനദാനവും ഡിസംബർ 1 ഞായറാഴ്ച ഐപിസി പെനിയേൽ ആനപ്രമ്പാൽ സഭയിൽ വെച്ച് നടന്നു.

പാ. രാജു ജോൺ ഉദ്ഘാടനം ചെയ്തു. രാജി ജിസ്മോൻ അധ്യക്ഷത വഹിച്ചു. ജയ റോബി സ്വാഗതം പറഞ്ഞു. തുടർന്ന് സെക്രട്ടറി ജെസ്സി ബോസ് വാർഷിക റിപ്പോർട്ടും മേരിക്കുട്ടി അനിയൻ യു.പി.ഡബ്ല്യു.എഫിന്റെ പ്രവർത്തനത്തെ കുറിച്ചുള്ള ലഘു വിവരണവും നൽകി. പാസ്റ്റർ മധു വി. എം പ്രസംഗിച്ചു. സഹോദരിമാർ വിവിധ പ്രോഗ്രാമുകൾ നടത്തി. 2025 ലെ കലണ്ടർ പാ. ഷിബു ചാക്കോ പാ. ജോയ്മോന് നൽകി പ്രകാശനം ചെയ്തു. ഇവാ. ജിൻസൺ ഫിലിപ്പോസ് വാർഷിക സപ്ലിമെന്റ് “എയ്ഞ്ചലോസ്” നെക്കുറിച്ച് ചെറു വിവരണം നൽകി. പാ. ജസ്റ്റിൻ, സിസ്റ്റർ മോളിക്കുട്ടി ഉമ്മനു കോപ്പി നൽകി പ്രകാശനം ചെയ്തു.

പാ. ജസ്റ്റിൻ, ഇവാ. ജോസ് എം ജെ, പാ. ഷിബു ചാക്കോ, പാ. ജോയ്മോൻ എന്നിവർ ആശംസകൾ അറിയിച്ചു. വീയപുരം ബെഥേൽ പി. വൈ. പി. എ വോയിസ് സംഗീത ശുശ്രൂഷകൾക്ക് നേതൃത്വം നൽകി. ഫേബാ ജസ്റ്റിൻ ഏവർക്കും നന്ദി പ്രകാശിപ്പിച്ചു. 2023 ബൈബിൾ ക്വിസ് വിജയികൾക്കുളള സമ്മാനങ്ങൾ കല്ലുമല ചർച്ച് ഓഫ് ഗോഡ് എടത്വാ, ഐപിസി ഫിലദൽഫിയ വെള്ളക്കിണർ, ഐപിസി ഗ്രേസ് സെന്റർ നിരണം എന്നീ സഭകൾ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി.