തങ്ങളുടെ രാജ്യത്തിൻ്റെ പരമാധികാരം വിട്ടുവീഴ്ചയ്ക്കുള്ളതല്ലെന്ന് പനാമ പ്രസിഡൻ്റ്

പനാമ : തങ്ങളുടെ രാജ്യത്തിൻ്റെ പരമാധികാരവും സ്വാതന്ത്ര്യവും വിട്ടുവീഴ്ചയ്ക്കുള്ളതല്ലെന്ന് പനാമ പ്രസിഡൻ്റ് ഹോസെ റൗൾ മുളിനോ. പനാമ കനാലിൻ്റെ നിയന്ത്രണം ഏറ്റെടുക്കുമെന്ന ട്രംപിന്റെ പ്രസ്താവനയ്ക്ക് എതിരെയാണ് റൗൾ മുളിനോyude മറുപടി.

“പനാമ കനാലിൻ്റെ ഓരോ ചതുരശ്ര മീറ്ററും അനുബന്ധ മേഖലയും പനാമയുടേതാണ്. അത് അങ്ങനെ തന്നെ തുടരും. ഞങ്ങളുടെ രാജ്യത്തിൻ്റെ പരമാധികാരവും സ്വാതന്ത്ര്യവും വിട്ടുവീഴ്ചയ്ക്കുള്ളതല്ല. ലോകത്ത് എവിടെയാണെങ്കിലും പനാമയുടെ പൗരന്മാർ ആ വികാരം ചങ്കിൽ കൊണ്ടുനടക്കുന്നവരാണ്. അതു ഞങ്ങളുടെ പോരാട്ട ചരിത്രത്തിന്റെ ഭാഗമാണ്. മാറ്റാനൊക്കാത്ത പോരാട്ടമാണ്” – എക്സസിൽ പങ്കുവച്ച കുറിപ്പിൽ മുളിനോ വ്യക്തമാക്കി.മുളിനോയുടെ കുറിപ്പിന് ട്രൂത്ത് സോഷ്യൽ എന്ന സമൂഹമാധ്യമത്തിലൂടെ ട്രംപ് നൽകിയ മറുപടി നമുക്കത് കാണാം എന്നതായിരുന്നു.