ഹസീനയെ മടക്കി അയക്കണമെന്ന ബംഗ്ലാദേശിന്റെ ആവശ്യത്തിൽ നിലവിൽ പ്രതികരിക്കുന്നില്ലെന്ന് ഇന്ത്യ
ഡൽഹി : ബംഗ്ലാദേശ് മുന് പ്രധാനമന്ത്രി ഷെയ്ഖ് ഹസീനയെ അടിയന്തരമായി മടക്കി അയക്കണമെന്ന ബംഗ്ലാദേശ് സർക്കാരിന്റെ ആവശ്യത്തിൽ നിലവിൽ പ്രതികരിക്കുന്നില്ലെന്ന് ഇന്ത്യ. കൃത്യമായ ഒപ്പിടാത്ത ഒരു കത്താണ് ലഭിച്ചത്. അതിൽ ഇപ്പോൾ പ്രതികരണങ്ങളില്ലെന്ന് ഔദ്യോകിക വൃത്തങ്ങൾ പ്രതികരിച്ചു.
ബംഗ്ലാദേശ് കലാപവുമായി ബന്ധപ്പെട്ടുണ്ടായ കൂട്ടക്കൊലയില് ഹസീന വിചാരണ നേരിടണമെന്നാണ് ഇടക്കാല സര്ക്കാരിന്റെ നിലപാട്. വിദ്യാര്ത്ഥി പ്രക്ഷോഭത്തെ തുടര്ന്നുണ്ടായ കലാപത്തില് സര്ക്കാര് വീണതോടെ ഷെയ്ഖ് ഹസീന കഴിഞ്ഞ ഓഗസ്റ്റ് അഞ്ച് മുതല് ഇന്ത്യയില് അഭയം തേടിയിരിക്കുകയാണ്. നാല് മാസം പിന്നിടുമ്പോഴാണ് ഹസീനയെ തിരിച്ചയക്കണമെന്ന ശക്തമായ ആവശ്യം ബംഗ്ലാദേശ് മുന്പോട്ട് വയ്ക്കുന്നത്.
