സഭകളിൽ ബൈബിൾ അജ്ഞത വർദ്ധിക്കുന്നു: പാസ്റ്റർ ഫിലിപ്പ് മിച്ചൽ

അറ്റ്ലാന്റ : അറ്റ്ലാന്റയിലെ പ്രശസ്തമായ 2819 ചർച്ചിന്റെ പാസ്റ്റർ ഫിലിപ്പ് മിച്ചൽ, ക്രിസ്തീയ സമൂഹത്തിൽ ദൈവവചനത്തെക്കുറിച്ചുള്ള അറിവില്ലായ്മ വർദ്ധിച്ചു വരുന്നതിനെതിരെ മുന്നറിയിപ്പ് നൽകുകയും വിശ്വാസികളെ ബൈബിൾ സത്യങ്ങളിലേക്ക് തിരികെ വിളിക്കുകയും ചെയ്തു.

പ്രസംഗങ്ങളിലും പാട്ടുകളിലും സോഷ്യൽ മീഡിയകളിലും വചനത്തിന് പകരം സ്വന്തം ആശയങ്ങൾക്ക് പ്രാധാന്യം നൽകുന്ന പ്രവണത പൂർണ്ണമായി അവസാനിപ്പിച്ച്, വിശ്വാസികൾ ദിവസവും വിശുദ്ധ ബൈബിൾ വായിച്ച് സത്യം മനസ്സിലാക്കണമെന്ന് അദ്ദേഹം ആവശ്യപ്പെട്ടു.

സഭയ്ക്കുള്ളിലെ ആത്മീയ തകർച്ചയ്ക്കെതിരെ പ്രാർത്ഥനയിലൂടെയും വചന അധിഷ്ഠിത ജീവിതത്തിലൂടെയും പോരാടണമെന്നും, വരുംതലമുറയ്ക്കായി ക്രിസ്തീയ വിശ്വാസത്തിൽ ഉറച്ചുനിൽക്കണമെന്നും തന്റെ പുതിയ പുസ്തകത്തിന്റെ പശ്ചാത്തലത്തിൽ പാസ്റ്റർ മിച്ചൽ വ്യക്തമാക്കി.