സംസ്ഥാനത്ത് എംപോക്സ്: ജാഗ്രത പാലിക്കണമെന്ന് ആരോഗ്യ വകുപ്പ് മന്ത്രി
തിരുവനന്തപുരം : സംസ്ഥാനത്ത് എംപോക്സ് സ്ഥിരീകരിച്ച സാഹചര്യത്തില് ജാഗ്രത പാലിക്കണമെന്ന് ആരോഗ്യ വകുപ്പ് മന്ത്രി വീണാ ജോര്ജ്. എല്ലാ സര്ക്കാര്, സ്വകാര്യ ആശുപത്രികളും പ്രോട്ടോകോള് കൃത്യമായി പാലിക്കണമെന്നും മന്ത്രി പറഞ്ഞു.
രോഗം റിപ്പോര്ട്ട് ചെയ്ത രാജ്യങ്ങളില് നിന്നും വരുന്നവര്ക്ക് എന്തെങ്കിലും രോഗലക്ഷണങ്ങള് ഉണ്ടായാല് എയര്പോര്ട്ടില് റിപ്പോര്ട്ട് ചെയ്യാന് നിര്ദേശം നല്കിയിരുന്നു. 2022ല് എംപോക്സ് സ്ഥിരീകരിച്ച സാഹചര്യത്തില് സംസ്ഥാനം സ്റ്റാന്ഡേര്ഡ് ഓപ്പറേറ്റിംഗ് പ്രോസീജിയര് പുറത്തിറക്കിയിരുന്നു. അതനുസരിച്ചുള്ള ഐസൊലേഷന്, സാമ്പിള് കളക്ഷന്, ചികിത്സ എന്നിവയെല്ലാം ഉറപ്പ് വരുത്തിയിട്ടുണ്ട് മന്ത്രി പറഞ്ഞു
Comments are closed.