ഡോ.ജോസഫ് മാർത്തോമ്മാ എക്യുമെനിക്കൽ സെൻറർ സമർപ്പണ ശുശ്രൂഷയും പൊതുസമ്മേളനവും സ്മാരക പ്രഭാഷണവും

തിരുവല്ല : സഭകളുടെ ഔദ്യോഗിക ഐക്യവേദിയായ കേരളാ കൗൺസിൽ ഓഫ് ചർച്ചസിൻ്റെ ആസ്ഥാനമായ തിരുവല്ല മീന്തലക്കരയിലെ ഡോ.ജോസഫ് മാർത്തോമ്മാ എക്യുമെനിക്കൽ സെൻററിൻ്റെ സമർപ്പണ ശുശ്രുഷയും പൊതുസമ്മേളനവും ഡോ.ജോസഫ് മാർത്തോമാ സ്മാരക പ്രഭാഷണവും ജൂൺ 30 തിങ്കൾ ഉച്ചയ്ക്ക് 2.30ന് നടക്കുന്നതാണ്. ഡോ.തിയഡോഷ്യസ് മാർത്തോമ്മാ മെത്രാപ്പോലീത്ത മുഖ്യ കാർമികത്വം വഹിക്കും. കെ സി സി പ്രസിഡൻറ് അലക്സിയോസ് മാർ യൗസേബിയോസ് മെത്രാപ്പോലീത്ത, സിറിൽ മാർ ബസേലിയോസ് മെത്രാപ്പോലീത്ത, മോറോൻ മോർ സാമുവേൽ തെയോഫിലോസ് മെത്രാപ്പോലീത്ത, ഡോ.ഔഗിൻ കുര്യാക്കോസ് മെത്രാപ്പോലീത്ത, ഡോ.ഗബ്രിയേൽ മാർ ഗ്രിഗോറിയോസ് മെത്രാപ്പോലീത്ത, ഡോ.യൂഹാനോൻ മാർ ക്രിസോസ്റ്റമോസ് മെത്രാപ്പോലീത്ത, ബിഷപ്പ് ഡോ.ജോർജ് ഉമ്മൻ, കുര്യാക്കോസ് മാർ ഇവാനിയോസ് മെത്രാപ്പോലീത്ത, ബിഷപ്പ് ഡോ. ജോർജ് ഈപ്പൻ, ബിഷപ്പ് ഡോ. സെൽവദാസ് പ്രമോദ്, മാത്യൂസ് മാർ സിൽവാനിയോസ് എപ്പിസ്കോപ്പ, ബിഷപ്പ് സുന്ദർ സിംഗ്, മേജർ ബാബു പി പൗലോസ് എന്നിവർ സഹകാർമികരായിരിക്കും. പൊതുസമ്മേളനം ഡോ.തിയഡോഷ്യസ് മാർത്തോമ്മാ മെത്രാപ്പോലീത്ത ഉദ്ഘാടനം ചെയ്യും. ഡോ.ഗീവർഗീസ് മാർ കൂറിലോസ് മെത്രാപ്പോലീത്ത ജോസഫ് മാർത്തോമാ സ്മാരക പ്രഭാഷണം നടത്തും എന്ന് ജനറൽ സെക്രട്ടറി ഡോ. പ്രകാശ് പി തോമസ് അറിയിച്ചു.