ഡൽഹിയിലെ സ്കൂളുകള്‍ക്ക് നേരെ വീണ്ടും വ്യാജ ബോംബ് ഭീഷണി

ഡൽഹി : ഡൽഹിയിലെ ആറോളം സ്കൂളുകള്‍ക്ക് നേരെ വീണ്ടും വ്യാജ ബോംബ് ഭീഷണി. വ്യാഴാഴ്ച രാവിലെ വന്ന ബോംബ് ഭീഷണിയെത്തുടര്‍ന്ന് സ്കൂളുകള്‍ക്ക് അവധി നല്‍കി.

പശ്ചിമ വിഹാറിലെ ഭട്‌നഗർ ഇന്റർനാഷണൽ സ്‌കൂൾ, ശ്രീനിവാസ് പുരിയിലെ കേംബ്രിഡ്ജ് സ്‌കൂൾ, ഈസ്റ്റ് ഓഫ് കൈലാഷിലെ ഡിപിഎസ് അമർ കോളനി തുടങ്ങിയ സ്കൂളുകളിലേക്കാണ് ബോംബ് ഭീഷണിയെത്തിയത്. സംശയാസ്പദമായ വസ്തുക്കളൊന്നും ഇതുവരെ കണ്ടെത്തിയിട്ടില്ലെന്ന് ഡൽഹി പൊലീസ് അറിയിച്ചു. ഇതോടെ ഈ ആഴ്ചയിൽ ഇത് രണ്ടാം തവണയാണ് ദില്ലിയിലെ സ്‌കൂളുകൾക്ക് ബോംബ് ഭീഷണി ലഭിക്കുന്നത്.