ഐ.പി.സി കർണാടക സ്റ്റേറ്റിന് പുതിയ നേതൃത്വം

ബെംഗളൂരു : ഇന്ത്യാ പെന്തക്കോസ്ത് ദൈവസഭ (ഐപിസി) കർണാടക സംസ്ഥാന പ്രസിഡൻ്റായി പാസ്റ്റർ കെ എസ് ജോസഫ് വീണ്ടും തിരഞ്ഞെടുക്കപ്പെട്ടു. പാസ്റ്റർ ജോസ് മാത്യൂ (വൈസ് പ്രസിഡൻ്റ്), ഡോ. പാസ്റ്റർ വർഗീസ് ഫിലിപ്പ് (സെക്രട്ടറി), ബ്രദർ ജോയ് പാപ്പച്ചൻ ( ജോയിൻ്റ് സെക്രട്ടറി), ബ്രദർ പി.ഒ. ശാമുവേൽ (ട്രഷറർ) എന്നിവരാണ് മറ്റു ഭാരവാഹികൾ. എക്സിക്യുട്ടിവ് അംഗങ്ങൾ ഉൾപ്പടെ 30 പേരെ കൗൺസിൽ അംഗങ്ങളായും തിരഞ്ഞെടുത്തു.
ഹൊറമാവ് അഗര ഐ.പി.സി ഹെഡ്ക്വാർട്ടേഴ്സ് ഹാളിൽ ആഗസ്റ്റ് 17-ന് നടന്ന തെരഞ്ഞെടുപ്പ് യോഗത്തിൽ ഇലക്ഷൻ കമ്മീഷണർ പാസ്റ്റർ റ്റി എസ് മാത്യുസ് അദ്ധ്യക്ഷനായിരുന്നു. ഐ പി സി ദേശീയ സെക്രട്ടറി പാസ്റ്റർ സാം ജോർജ് സത്യപ്രതിജ്ഞാ വാചകം ചൊല്ലി കൊടുത്തു . സീനിയർ ജനറൽ മിനിസ്റ്റർ പാസ്റ്റർ റ്റി.ഡി.തോമസ് അനുഗ്രഹ പ്രാർഥനയും നടത്തി. പാസ്റ്റർ റ്റി എസ് മാത്യുസ് ഇലക്ഷൻ കമ്മീഷണറും പാസ്റ്റർ പി വി ജെയിംസ് റിട്ടേണിംഗ് ഓഫീസറും പാസ്റ്റർ കെ പി ജോർജ് ഇലക്ഷൻ ഓഫീസറും ആയിരുന്നു