വികസന പാതയിൽ പെന്തക്കോസ്തൽ ചർച്ചസ് അസോസിയേഷൻ: വാർഷിക മഹാസഭയിൽ നിർണായക തീരുമാനം

കൊഡ്ലിപേട്ട്: കർണാടക പെന്തക്കോസ്തൽ ചർച്ചസ് അസോസിയേഷന്റെ വാർഷിക മഹാസഭ വ്യാഴാഴ്ച കൊഡ്ലിപേട്ടയിലെ പ്രധാന കാര്യാലയത്തിൽ അസോസിയേഷൻ പ്രസിഡന്റ് പാസ്റ്റർ എബ്രഹാം കോശിയുടെ അധ്യക്ഷതയിൽ നടന്നു. പാസ്റ്റർ രാമു പ്രാർത്ഥനയോടെ യോഗം ആരംഭിച്ചു. പാസ്റ്റർ ജോഷ്വ സ്വാഗത പ്രസംഗം നടത്തി. തുടർന്ന് പ്രസിഡന്റ് പാസ്റ്റർ എബ്രഹാം കോശി അധ്യക്ഷ പ്രസംഗം നടത്തി, അസോസിയേഷന്റെ സ്ഥാപന പശ്ചാത്തലം, ലക്ഷ്യം, സംഘടനയുടെ വളർച്ച എന്നിവയെക്കുറിച്ച് വിശദീകരിച്ചു.

അസോസിയേഷന്റെ ഭാവി പുരോഗതിക്ക് എല്ലാ അംഗങ്ങളുടെയും സഹകരണവും പ്രോത്സാഹനവും ആവശ്യമാണ്. എക്സിക്യൂട്ടീവ് കമ്മിറ്റി അംഗങ്ങൾ തങ്ങളുടെ ഉത്തരവാദിത്തങ്ങൾ കൃത്യമായി നിർവഹിച്ച് സംഘടനയുടെ വികസനത്തിന് കൂടുതൽ സംഭാവന നൽകണമെന്ന് അദ്ദേഹം ആഹ്വാനം ചെയ്തു.
സെക്രട്ടറിയുടെ അഭാവത്തിൽ പാസ്റ്റർ മഞ്ജുനാഥ് കഴിഞ്ഞ മഹാസഭയുടെ നടപടിക്രമങ്ങളും വാർഷിക റിപ്പോർട്ടും സഭയിൽ അവതരിപ്പിച്ചു. റിപ്പോർട്ടിനെക്കുറിച്ച് അംഗങ്ങൾ ചർച്ച ചെയ്ത് അംഗീകരിച്ചു.

ട്രഷറർ പാസ്റ്റർ ഫ്രെഡി കൂർഗ് അസോസിയേഷന്റെ വാർഷിക കണക്കുകൾ അവതരിപ്പിച്ചു. കണക്കുകളെക്കുറിച്ച് ചർച്ച ചെയ്ത ശേഷം യോഗം അംഗീകരിച്ചു.
യോഗത്തിൽ ഭാരവാഹികളെ തിരഞ്ഞെടുക്കുകയും ചെയ്തു. പാസ്റ്റർ രാമുവിനെ എതിരില്ലാതെ തിരഞ്ഞെടുത്തു. ഒഴിവുണ്ടായിരുന്ന സെക്രട്ടറി സ്ഥാനത്തേക്ക് പാസ്റ്റർ മഞ്ജുനാഥിനെയും ജോയിന്റ് സെക്രട്ടറി സ്ഥാനത്തേക്ക് പാസ്റ്റർ രാമുവിനെയും തിരഞ്ഞെടുത്തു. പിന്നീട് അസോസിയേഷന്റെ ഭാവി വികസന പ്രവർത്തനങ്ങളെക്കുറിച്ച് അംഗങ്ങൾ ചർച്ച നടത്തി. സംഘടനയെ കൂടുതൽ ശക്തിപ്പെടുത്തുക, അംഗങ്ങളുടെ സഹകരണം വർദ്ധിപ്പിക്കുക, വരും ദിവസങ്ങളിൽ ഏറ്റെടുക്കേണ്ട പ്രവർത്തനങ്ങളെക്കുറിച്ചും നിർദ്ദേശങ്ങളും അഭിപ്രായങ്ങളും കൈമാറി.
യോഗത്തിൽ അസോസിയേഷന്റെ ഭാരവാഹികളും അംഗങ്ങളും പങ്കെടുത്തു.

വാർത്ത. പാ: ഫ്രെഡി കൂർഗ്