പശ്ചിമ ബംഗാളിൽ ക്രൈസ്തവർക്ക് നേരെ ആക്രമണം: പ്രതിഷേധിച്ച് സഭ

ബംഗാൾ : പശ്ചിമ ബംഗാളിൽ ബി.ജെ.പി ഭരണത്തിലേറിയതിന് പിന്നാലെ ക്രൈസ്തവർക്ക് നേരെ നടക്കുന്ന തുടർച്ചയായ ആക്രമണങ്ങളിൽ പ്രതിഷേധിച്ച് സംസ്ഥാനവ്യാപകമായി റാലികളും പ്രാർത്ഥനാ സംഗമങ്ങളും സംഘടിപ്പിക്കാൻ ബംഗാൾ ക്രിസ്ത്യൻ കൗൺസിൽ തീരുമാനിച്ചു. ഭരണഘടനാ അവകാശങ്ങൾ സംരക്ഷിക്കണമെന്നും ആക്രമണങ്ങൾക്കെതിരെ ശക്തമായ നടപടിയെടുക്കണമെന്നും കൗൺസിൽ പ്രധാനമന്ത്രിയോടും മുഖ്യമന്ത്രിയോടും ആവശ്യപ്പെട്ടു.

സഭകൾ കേന്ദ്രീകരിച്ച് വ്യാജ മതംമാറ്റ ആരോപണങ്ങൾ ഉന്നയിച്ചാണ് തീവ്ര വലതുപക്ഷ സംഘടനകൾ അക്രമം അഴിച്ചുവിടുന്നത്. കഴിഞ്ഞ ജൂലൈയിൽ മാത്രം കൊൽക്കത്തയ്ക്ക് സമീപമുള്ള പള്ളികൾക്കും കന്യാസ്ത്രീകളുടെ മഠങ്ങൾക്കും നേരെയും, ആരാധനയിൽ പങ്കെടുത്ത വിശ്വാസികൾക്ക് നേരെയും വ്യാപകമായ അക്രമ സംഭവങ്ങൾ റിപ്പോർട്ട് ചെയ്തിട്ടുണ്ട്.

അടിസ്ഥാനരഹിതമായ ആരോപണങ്ങൾക്കെതിരെ നിയമനടപടി സ്വീകരിക്കുമെന്ന് സഭാ നേതൃത്വം വ്യക്തമാക്കി. സമാധാനാന്തരീക്ഷം തിരികെ കൊണ്ടുവരുന്നതിനായി സംസ്ഥാനത്തിന്റെ വിവിധ ഭാഗങ്ങളിൽ ജില്ലാ കമ്മിറ്റികളുടെ നേതൃത്വത്തിലാണ് പ്രതിഷേധ പരിപാടികൾ ഏകോപിപ്പിക്കുന്നത്.