*നിഖ്യാ കൗൺസിൽ ക്രൈസ്തവ സഭയെ യഹൂദ വേരുകളിൽ നിന്ന് അകറ്റി; പുതിയ പഠനവുമായി ഡോ. തോമസ് പോൾ ഷിർമാഷർ*

ജർമ്മനി : ക്രിസ്തുവർഷം 325-ൽനടന്ന നിഖ്യാ കൗൺസിൽ ക്രൈസ്തവ ദൈവശാസ്ത്രത്തിൽ മാത്രമല്ല, യഹൂദ പാരമ്പര്യങ്ങളിൽ നിന്ന് സഭയെ ഒരു സ്ഥാപനമെന്ന നിലയിൽ വേർതിരിക്കുന്നതിലും വലിയൊരു വഴിത്തിരിവായിരുന്നുവെന്ന് വ്യക്തമാക്കുന്ന പുതിയ പഠനലേഖനം പുറത്തുവന്നു. തിരുവെഴുത്തുകൾക്ക് പുറമെ അന്നത്തെ രാഷ്ട്രീയ സാഹചര്യങ്ങളും ഈ വേർപിരിയലിന് കാരണമായിട്ടുണ്ടെന്ന് ഈ പ്രബന്ധം വാദിക്കുന്നു.

വേൾഡ് ഇവാഞ്ചലിക്കൽ അലയൻസ് മുൻ ജനറൽ സെക്രട്ടറിയും ജർമ്മൻ ദൈവശാസ്ത്രജ്ഞനുമായ ഡോ. തോമസ് പോൾ ഷിർമാഷറാണ് ഈ പ്രബന്ധം രചിച്ചിരിക്കുന്നത്. നിഖ്യാ കൗൺസിലിന്റെ 1700-ാം വാർഷികത്തോടനുബന്ധിച്ച് ഡബ്ല്യു.ഇ.എ.യുടെ തിയോളജിക്കൽ കമ്മീഷൻ പുറത്തിറക്കിയ ‘ദെയർ ലോർഡ് ആൻഡ് അവേഴ്സ്: ദ എൻഡ്യൂറിംഗ് ലെഗസി ഓഫ് നിഖ്യാ’എന്ന പുസ്തകത്തിലാണ് ഈ ലേഖനം ഉൾപ്പെടുത്തിയിട്ടുള്ളത്. അദ്ദേഹത്തിന്റെ ഈ പഠനം മെയ് 15-ന് പുറത്തിറങ്ങിയ ‘ബോൺ പ്രൊഫൈൽസി’ൽ പ്രത്യേകമായി പരാമർശിച്ചിട്ടുണ്ട്.

കൗൺസിലിന്റെ ചരിത്രപരമായ തീരുമാനങ്ങൾ ക്രൈസ്തവ ചരിത്രത്തെയും യഹൂദ സമൂഹവുമായുള്ള ബന്ധത്തെയും എങ്ങനെയെല്ലാം മാറ്റിമറിച്ചു എന്ന് ഈ ലേഖനം വിശദമാക്കുന്നു. ആദ്യകാല സഭയുടെ ചരിത്രത്തെയും അതിന്റെ പരിണാമത്തെയും മനസ്സിലാക്കാൻ ഈ പഠനം ഒരു എ വലിയ സഹായമാണ്. ക്രൈസ്തവ സഭയുടെ ആദ്യകാല വളർച്ചയിൽ രാഷ്ട്രീയ സ്വാധീനങ്ങൾ എത്രത്തോളം പങ്കുവഹിച്ചിട്ടുണ്ടെന്നാണ് നിങ്ങൾ കരുതുന്നത്?