*മെക്സിക്കോയിലെ ബീച്ചുകളിൽ സുവിശേഷ തരംഗം; മദ്യപാനം ഉപേക്ഷിച്ച് ക്രിസ്തുവിലേക്ക് കടന്നുവന്ന് നിരവധി പേർ*

മെക്സിക്കോ : മെക്സിക്കോയിലെ വിനോദസഞ്ചാര കേന്ദ്രങ്ങളായ കാൻകൂൺ, പ്ലായ ഡെൽ കാർമെൻ എന്നിവിടങ്ങളിൽ നടന്ന ‘റീച്ച് കാൻകൂൺ’ സുവിശേഷ പ്രചാരണത്തിൽ അത്ഭുതകരമായ മാറ്റങ്ങൾ സംഭവിച്ചതായി റിപ്പോർട്ട്. ലാറ്റിൻ അമേരിക്ക, യുണൈറ്റഡ് സ്റ്റേറ്റ്സ്, യൂറോപ്പ് എന്നിവിടങ്ങളിൽ നിന്നുള്ള 48 സന്നദ്ധ പ്രവർത്തകർ പങ്കെടുത്ത ഈ ദൗത്യം വിനോദസഞ്ചാരികൾക്കും പ്രാദേശിക നിവാസികൾക്കും ഇടയിൽ വലിയ സ്വാധീനമുണ്ടാക്കി. ദൈവസ്നേഹത്തിന്റെ സന്ദേശം പലരുടെയും ഹൃദയങ്ങളിൽ സ്പർശിച്ചതായും നിരവധി ആളുകൾ പുതിയ ജീവിതം കണ്ടെത്തിയതായും ഔട്ട്‌റീച്ച് ലീഡർ സ്കോട്ട് ലാംഗെമിയർ സിബിഎൻ ന്യൂസിനോട് പറഞ്ഞു.

താമസിച്ചിരുന്ന ഹോട്ടലിലെ ജീവനക്കാരോടും അതിഥികളോടും സുവിശേഷം പങ്കുവെച്ചുകൊണ്ടാണ് ടീം തങ്ങളുടെ പ്രവർത്തനം ആരംഭിച്ചത്. വിനോദസഞ്ചാര കേന്ദ്രങ്ങളിൽ വെച്ച് നടന്ന ഇത്തരം സംഭാഷണങ്ങൾ പലരുടെയും ആത്മീയമായ ഉണർവ്വിന് കാരണമായി. രക്ഷയുടെ സന്ദേശം കേട്ട പലരും തങ്ങളുടെ മുൻകാല ജീവിതരീതികൾ ഉപേക്ഷിക്കാനും ക്രിസ്തുവിനായി ജീവിക്കാനും തീരുമാനമെടുത്തു. വ്യക്തിപരമായ സാക്ഷ്യങ്ങളും ഹൃദയസ്പർശിയായ സംഭാഷണങ്ങളും വഴി വലിയൊരു വിഭാഗം ജനങ്ങളിലേക്ക് ഈ സന്ദേശം എത്തിക്കാൻ സന്നദ്ധപ്രവർത്തകർക്ക് സാധിച്ചു.