വിശ്വാസവും കലയും കൈകോർക്കുന്നു; ലണ്ടനിൽ വമ്പൻ സമ്മേളനം

ലണ്ടൻ : കലയും സുവിശേഷവും തമ്മിലുള്ള അഭേദ്യമായ ബന്ധം ആഗോളതലത്തിൽ ചർച്ച ചെയ്യുന്നതിനായി ലണ്ടനിൽ ആദ്യമായി ‘ക്രിസ്ത്യൻ ആർട്ട് കോൺഫറൻസ്’ സംഘടിപ്പിക്കുന്നു. പ്രശസ്തമായ ‘ക്രിസ്ത്യൻ ആർട്ട്’ ഓൺലൈൻ പ്ലാറ്റ്‌ഫോമിന്റെ സ്ഥാപകൻ ഫാ. പാട്രിക് വാൻ ഡെർ വോർസ്റ്റാണ് ഈ സംരംഭത്തിന് പിന്നിൽ. നവംബർ 14-ന് വെസ്റ്റ്മിൻസ്റ്ററിൽ നടക്കുന്ന സമ്മേളനത്തിൽ പ്രമുഖ കലാകാരന്മാരും ദൈവശാസ്ത്രജ്ഞരും സാംസ്കാരിക നായകരും ഒത്തുചേരും.

വിശ്വാസവും സർഗ്ഗാത്മകതയും എങ്ങനെ പരസ്പരപൂരകമാകുന്നു എന്ന് പര്യവേക്ഷണം ചെയ്യാനാണ് ഈ സമ്മേളനം ലക്ഷ്യമിടുന്നത്. കലയെ ആത്മീയതയുമായി ബന്ധിപ്പിക്കാൻ ആരംഭിച്ച ഓൺലൈൻ പ്ലാറ്റ്‌ഫോമിന് നിലവിൽ ഒന്നര ലക്ഷത്തിലധികം സജീവ വരിക്കാരുണ്ട്. ദിവസേനയുള്ള സുവിശേഷ വായനകളെ പ്രശസ്തമായ കലാസൃഷ്ടികളുമായി കോർത്തിണക്കി നൽകുന്ന ഈ പ്ലാറ്റ്‌ഫോമിന് ലഭിച്ച ആഗോള സ്വീകാര്യതയാണ് ലണ്ടനിൽ ഇത്തരമൊരു കായിക സമ്മേളനം സംഘടിപ്പിക്കാൻ പ്രചോദനമായത്.