ക്രിസ്തുവിൻ്റെ സ്നേഹം പ്രവൃത്തിയിലൂടെ: 400 കുടുംബങ്ങൾക്ക് സഹായവുമായി ജോർജിയയിലെ ചർച്ച്

മിഡ്‌ലാൻഡ് : അയൽക്കാരനെ സഹായിക്കുന്നതിലൂടെ ക്രിസ്തുവിൻ്റെ സ്നേഹം പ്രാവർത്തികമാക്കുക എന്ന ലക്ഷ്യത്തോടെ ജോർജിയയിലെ സോളിഡ് റോക്ക് ചർച്ച് ഓഫ് മിഡ്‌ലാൻഡ് 400-ഓളം പ്രദേശിക കുടുംബങ്ങൾക്ക് പലചരക്ക് സാധനങ്ങൾ വിതരണം ചെയ്തു. ഏകദേശം 300 പേർ പ്രതിവാരം ആരാധനയ്ക്ക് എത്തുന്ന ഈ ചെറിയ ചർച്ച് ശനിയാഴ്ചയാണ് വൻതോതിലുള്ള പലചരക്ക് വിതരണ പരിപാടി സംഘടിപ്പിച്ചത്.

ഈ പരിപാടിയിൽ 1,500-ൽ അധികം ബാഗുകളും 250 ബോക്സുകളിലായി കേടുകൂടാത്ത ഭക്ഷ്യവസ്തുക്കളും ആവശ്യക്കാർക്ക് വിതരണം ചെയ്തു. കോവിഡ്-19 കാലത്തും സമാനമായ വിതരണങ്ങൾ നടത്തിയിട്ടുണ്ടെങ്കിലും ഇത്തവണത്തെ പരിപാടി വലുപ്പത്തിലും വ്യാപ്തിയിലും വ്യത്യസ്തമായിരുന്നെന്ന് ചർച്ച് അധികൃതർ പറഞ്ഞു. ഞങ്ങളുടെ കമ്മ്യൂണിറ്റിയിൽ നിരവധി ആളുകൾ പ്രയാസകരമായ സമയത്തിലൂടെ കടന്നുപോകുന്നുണ്ടെന്ന് ഞങ്ങൾ തിരിച്ചറിഞ്ഞു. ഈ സഹായത്തിലൂടെ അവരുടെ കുറവുകൾ നികത്തുന്നതിൽ ഒരു ചെറിയ മാറ്റമെങ്കിലും വരുത്താൻ ഞങ്ങൾക്ക് കഴിയുമെങ്കിൽ അത് ക്രിസ്തുവിൻ്റെ സ്നേഹം പ്രാവർത്തികമാക്കുന്നതിന് തുല്യമാകും എന്ന് ലീഡ് പാസ്റ്റർ ജയ് ബെയ്‌ലി പറഞ്ഞു.