പി വൈ സി ഡി കോൺഫറൻസ് ഒക്ടോബർ 6 മുതൽ

ഡാളസ്: പെന്തക്കോസ്തൽ യൂത്ത് കോൺഫറൻസ് ഓഫ് ഡാളസി(PYCD)ന്റെ വാർഷിക കോൺഫറൻസ് ഒക്ടോബർ 6,7 തീയതികളിൽ ഐ പി സി ഹെബ്രോനിലും ഞായറാഴ്ചത്തെ സംയുക്ത ആരാധന മെസ്‌ക്വിറ്റ് കൺവെൻഷൻ സെന്ററിലും നടത്തുവാനുള്ള ക്രമീകരണങ്ങൾ പൂർത്തിയായി. വിപുലമായ ക്രമീകരണങ്ങളാണ് കോൺഫറൻസിനായി ഇത്തവണ ഒരുക്കിയിരിക്കുന്നത്. പാസ്റ്റർ ബാബു ചെറിയാൻ, പാസ്റ്റർ ഗ്ലെൻ ബെഡോൻസ്കി എന്നിവരാണ് മുഖ്യ പ്രസംഗകർ. ശനിയാഴ്ച രാവിലെ 10-ന് നടക്കുന്ന ഫാമിലി സെമിനാർ ഡാളസ്- ഫോർട്ട് വർത്ത് സിറ്റി-വൈഡ് ഫെല്ലോഷിപ്പുമായി ചേർന്ന് സംയുക്തമായിട്ടാണ് നടത്തുന്നത്. കോൺഫറൻസിനോടനുബന്ധിച്ച് ഒരു സുവനീറും ഈ വർഷം പ്രസിദ്ധീകരിക്കുന്നു. ഡാളസിലെ 37 സഭകളാണ് പി. വൈ. സി. ഡി-യുടെ അംഗങ്ങളായിട്ടുള്ളത്. പാസ്റ്റർ തോമസ് മുല്ലയ്ക്കൽ(പ്രസിഡന്റ്), പാസ്റ്റർ ജെഫ്‌റി ജേക്കബ് (കോ-ഓർഡിനേർ), റോണി വർഗ്ഗീസ്(ട്രഷറർ) എന്നിവർ ഔദ്യോഗിക ഭാരവാഹികളായി പ്രവർത്തിക്കുന്നു.