മാഞ്ചസ്റ്റർ വർഷിപ് സെന്റർ IAG-UK യുടെ ഔദ്യോഗി‍ക ഉദ്ഘാടനം നാളെ
മാഞ്ചസ്റ്റർ: ബ്രിട്ടനിലെ വലിയ സിറ്റികളിൽ ഒന്നായ മാഞ്ചസ്റ്ററിൽ മാഞ്ചസ്റ്റർ വർഷിപ് സെന്റർ എന്ന അസംബ്ലീസ് ഓഫ് ഗോഡ് IAG- UK യുടെ നേതൃത്വത്തിൽ പുതിയ സഭാ പ്രവർത്തനം ആരംഭിക്കുന്നു. IAG- UK ചെയർമാൻ റവ. ബിനോയ് ഏബ്രഹാം ഉദ്ഘാടനം നിർവഹിക്കും. പാസ്റ്റർ ജോഷി സാം മോറിസ് ശുശ്രൂഷകൾക്കു നേതൃത്വം നൽകുന്നു.
മാഞ്ചസ്റ്റർ സിറ്റിയുടെ ഹൃദയഭാഗമായ ഏഷ്യൻ തെരുവെന്ന് അറിയപ്പെടുന്ന ലോങ് സൈറ്റ്, ജെയിൻ കമ്മ്യൂണിറ്റി സെന്ററില്‍ വെച്ചാണ് സഭയുടെ ഔദ്യോഗി‍ക ഉദ്ഘാടനം നാളെ വൈകിട്ട് അഞ്ചിന് നടക്കുന്നത്. മാഞ്ചസ്റ്റർ വർഷിപ് സെന്റർ ചർച്ച് ക്വയർ ഗാനശുശ്രൂഷയ്ക്ക് നേതൃത്വം നൽകും. എല്ലാ ഞായറാഴ്ചകളിലും അതെ ജെയിൻ കമ്മ്യൂണിറ്റി സെന്ററില്‍ വെച്ച് രാവിലെ 10:30 മുതൽ ഉച്ചക്ക് 01:30 -വരെയാണ് ആരാധന.
മാഞ്ചെസ്റ്ററിൽ ജോലിക്കും യൂണിവേഴ്സിറ്റി പഠനത്തിനുമായി എത്തുന്നവർക്ക് ഈ കൂട്ടായ്മയിൽ പങ്കെടുക്കാം. വിവരങ്ങൾക്ക് : +44 7721 688 408, +44 7570 929 289