Official Website

ജനാധിപത്യത്തെ പിന്തുണച്ചതിന് 90 കാരനായ ബിഷപ്പ് ഹോങ്കോങ്ങിൽ അറസ്റ്റിൽ

0 26

ചൈന : ജനാധിപത്യ അനുകൂല ഗ്രൂപ്പിന് പിന്തുണ നൽകിയതിന് 90 വയസ്സുള്ള ഒരു മുൻ കത്തോലിക്കാ ബിഷപ്പ് കർദ്ദിനാൾ ജോസഫ് സെന്നിനെ വിദേശ ശക്തികളുമായി സഹകരിച്ചു എന്ന് ആരോപണമുന്നയിച്ച് ഹോങ്കോങ്ങിലെ അധികാരികൾ അറസ്റ്റ് ചെയ്തു.

സെന്നിനോടൊപ്പം ഹോങ്കോങ് സ്വദേശിനിയായ കനേഡിയൻ ഗായകർ ഡെന്നീസ് ഹോയും, മറ്റു രണ്ടുപേരുംകൂടി അറസ്റ്റ് ചെയ്യപ്പെട്ടിരുന്നു. ജനാധിപത്യ അവകാശങ്ങൾക്ക് വലിയതോതിൽ തുരങ്കം വെക്കുന്ന ദേശീയ സുരക്ഷാ നിയമം ഹോങ്കോങ്ങ് സർക്കാർ പാസാക്കിയതിനെത്തുടർന്നാണ് രാജ്യത്ത് വലിയ പ്രതിഷേധം പൊട്ടിപ്പുറപ്പെട്ടത്.

സെനിന്റെ അറസ്റ്റിനെ വത്തിക്കാൻ ഇതുവരെ അഭിസംബോധന ചെയ്തിട്ടില്ലെങ്കിലും സോഷ്യൽ മീഡിയ ഉപയോക്താക്കളും ചിന്താ നേതാക്കളും കർദ്ദിനാളിന് വേണ്ടി സംസാരിക്കാൻ കത്തോലിക്കാ നേതാക്കളോട് അഭ്യർത്ഥിക്കുന്നതായി റിപ്പോർട്ട് . ജനാധിപത്യ അനുകൂല പ്രതിഷേധത്തിൽ പങ്കെടുത്ത ആളുകൾക്ക് നിയമപരമായ ഫീസ് അടയ്ക്കാൻ പണം നൽകിയതും ഗ്രൂപ്പിന് പിന്തുണ പ്രഖ്യാപിച്ചതുമാണ് കുറ്റം.

വിഷയം അന്താരാഷ്ട്രതലത്തിൽ വലിയ പ്രതിഷേധങ്ങൾക്ക് വഴി തുറന്നതിന് പിന്നാലെ അദ്ദേഹത്തിന് ജാമ്യം നൽകി വിട്ടയക്കുകയും ചെയ്തു.

Comments
Loading...
%d bloggers like this: