വൈറ്റ് ഹൗസ് എന്നാൽ ‘ശുദ്ധ നരകം’; പോള വൈറ്റ് കെയ്‌ന്റെ പ്രസംഗം വൈറൽ!

ടെക്സസ് : ഫെബ്രുവരിയിൽ ഫ്ലോറിഡയിൽ നടന്ന ഒരു കോൺഫറൻസിൽ പോള വൈറ്റ് കെയ്‌ൻ നടത്തിയ പ്രസംഗത്തിന്റെ ദൃശ്യങ്ങളാണ് ഇപ്പോൾ എക്സിൽ ദശലക്ഷക്കണക്കിന് ആളുകൾ കണ്ടുകൊണ്ടിരിക്കുന്നത്. വൈറ്റ് ഹൗസിലെ വിശ്വാസ വിഭാഗം തലവൻ എന്ന നിലയിലുള്ള തന്റെ അനുഭവങ്ങളാണ് അവർ പ്രസംഗത്തിൽ പങ്കുവെച്ചത്. അവിടെയുള്ളവർ സങ്കൽപ്പിക്കാവുന്നതിലും വലിയ സമ്മർദ്ദത്തിലാണെന്നും തന്റെ കണ്മുന്നിൽ നടക്കുന്നത് ഒരു വലിയ ആത്മീയ യുദ്ധമാണെന്നും അവർ പറയുന്നു. ഇത്രയും ഉയർന്ന പദവിയിലിരിക്കുന്ന ഒരാൾ ഭരണകൂടത്തിന്റെ കേന്ദ്രത്തെ ‘നരകം’ എന്ന് വിശേഷിപ്പിക്കുന്നത് വല്ലാത്തൊരു പന്തികേടല്ലേ? നിങ്ങൾ തന്നെ ഒന്ന് ചിന്തിച്ചു നോക്കൂ!

പ്രസിഡന്റിനെയോ സെക്രട്ടറി റൂബിയോയെയോ ചീഫ് ഓഫ് സ്റ്റാഫ് സൂസി വൈൽസിനെയോ ബ്രീഫ് ചെയ്യേണ്ടി വരുമ്പോൾ താൻ ഭയന്നു വിറയ്ക്കാറുണ്ടെന്ന് പോള വെളിപ്പെടുത്തി. അവിടെയെടുക്കുന്ന തീരുമാനങ്ങൾ ദശലക്ഷക്കണക്കിന് ആളുകളുടെ ജീവിതത്തെയാണ് ബാധിക്കുന്നത്. അധികാരികളോട് വിശേഷങ്ങൾ ചോദിക്കുമ്പോൾ അവർ ‘സ്വപ്നതുല്യമായ ജീവിതം’ എന്ന് ചിരിച്ചുകൊണ്ട് പറയുമെങ്കിലും, യഥാർത്ഥത്തിൽ വലിയ പിശാചുശക്തികൾ അവിടെ സമാധാനത്തിന് വിഘാതമായി നിൽക്കുന്നുണ്ടെന്നാണ് അവർ വിശ്വസിക്കുന്നത്.