ആരാധനാലയങ്ങൾക്ക് സംരക്ഷണം നൽകുന്ന നിയമങ്ങളെ സ്വാഗതം ചെയ്ത് യു.എസ്. മതനേതാക്കൾ

യുഎസ് : ആരാധനാലയങ്ങളെ പ്രതിഷേധക്കാരിൽ നിന്ന് സംരക്ഷിക്കുന്നതിനായി നിയമനിർമ്മാണം നടത്തുകയോ അതിനായി ശ്രമിക്കുകയോ ചെയ്യുന്ന യു.എസ്. സംസ്ഥാനങ്ങൾ അഭിനന്ദനം അർഹിക്കുന്നുവെന്ന് എത്തിക്‌സ് ആൻഡ് റിലീജിയസ് ലിബർട്ടി കമ്മീഷന്റെ (ERLC) പുതിയ പ്രസിഡന്റ് ഇവാൻ ലെനോവ് വ്യക്തമാക്കി. ജൂൺ 1-ന് ഔദ്യോഗികമായി ചുമതലയേൽക്കുന്ന അദ്ദേഹം, ആരാധന സ്വാതന്ത്ര്യം അമേരിക്കൻ സമൂഹത്തിന്റെ അടിസ്ഥാന തത്വമാണെന്നും സമാധാനപരമായി ആരാധന നടത്താനുള്ള പള്ളികളുടെ അവകാശം സംരക്ഷിക്കാൻ സർക്കാരിന് ഭരണഘടനാപരമായ ബാധ്യതയുണ്ടെന്നും ഓർമ്മിപ്പിച്ചു. മിനസോട്ടയിലെ സെന്റ് പോളിലുള്ള ഒരു പള്ളിയിൽ ജനുവരിയിൽ ഉണ്ടായ പ്രതിഷേധങ്ങൾ ഈ അടിസ്ഥാന അവകാശത്തിന്മേലുള്ള കടന്നുകയറ്റമാണെന്ന് അദ്ദേഹം ചൂണ്ടിക്കാണിച്ചു. ലൂസിയാന ഗവർണർ ജെഫ് ലാൻഡ്രിയും ആരാധനാലയങ്ങൾക്ക് സംരക്ഷണം നൽകുന്ന രണ്ട് ബില്ലുകളിൽ ഒപ്പുവെച്ചതായി വ്യക്തമാക്കിയിട്ടുണ്ട്.