*റഷ്യൻ അധിനിവേശത്തിന് ശേഷം യൂറോപ്പിലുടനീളം 160 സഭകൾ സ്ഥാപിച്ച് യുക്രൈൻ വിശ്വാസികൾ*

യുക്രൈൻ : റഷ്യൻ അധിനിവേശത്തെ തുടർന്ന് ജന്മനാട് ഉപേക്ഷിക്കേണ്ടി വന്ന യുക്രൈൻ ജനത, കഴിഞ്ഞ നാല് വർഷത്തിനിടെ യൂറോപ്പിലുടനീളം 160 പുതിയ സഭകൾ സ്ഥാപിച്ചതായി യൂറോപ്യൻ ക്രിസ്ത്യൻ മിഷൻ ഇന്റർനാഷണൽ വ്യക്തമാക്കി.

യുദ്ധം കാരണം ഉണ്ടായ ദാരുണമായ പലായനം, ഇന്ന് യൂറോപ്പിലുടനീളം വലിയൊരു സുവിശേഷ മുന്നേറ്റമായി മാറിക്കൊണ്ടിരിക്കുകയാണ്. വലിയ വേദനയും നഷ്ടങ്ങളും പേറുമ്പോഴും യുക്രൈൻ വിശ്വാസികൾ പോകുന്നിടത്തെല്ലാം ക്രിസ്തുവിലുള്ള പ്രത്യാശ പങ്കുവെക്കുന്നു.

പോളണ്ടിൽ നടന്ന യുക്രേനിയൻ ബാപ്റ്റിസ്റ്റ് ചർച്ചസ് ഇൻ യൂറോപ്പ് കോൺഫറൻസിൽ പങ്കെടുത്ത ECMI സ്ട്രാറ്റജിക് പാർട്ണർഷിപ്പ് ഡയറക്ടറും ലോസാൻ യൂറോപ്പ് കോ-റീജിയണൽ ഡയറക്ടറുമായ ജിം മെമ്മറി, ഭൂഖണ്ഡത്തിലുടനീളം യുക്രൈൻ ക്രിസ്ത്യാനികളിലൂടെ നടക്കുന്ന പ്രവർത്തനങ്ങളെ ഏറെ പ്രതീക്ഷയോടെയാണ് വിലയിരുത്തുന്നത്.